ឥត្ថីធុត្តោ ល្បែងស្រីគឺជាអបាយមុខមួយប្រភេទក្នុងចំណោមអបាយទាំង៤ដែលឱ្យទោសភ្លាមៗមិនបង្អង់យូរ។ ការលេងស្រីនេះរមែងហុចទោសឱ្យមិនរង់ចាំកាលទេពិសេសគឺនាំរោគ នាំរឿងចូលផ្ទះបំផ្លាញសុភមង្គលគ្រួសារ ។ ត្រូវដឹងថា ការលេងស្រី វាជាគ្រោះថ្នាក់មួយសម្រាប់បុគ្គលគ្រប់គ្នា ដែលជាទោសអាចបណ្ដាលឲ្យមានជំងឺកាមរោគរហូតក្ស័យប្រាណចាកប្រពន្ធកូនជាទីស្រលាញ់និងញាតិមិត្តជាទីរាប់អាន និងមានកំណើតទៅកាន់អបាយភូមិទៀតផង។…
ឥត្ថីធុត្តោ ល្បែងស្រីគឺជាអបាយមុខមួយប្រភេទក្នុងចំណោមអបាយទាំង៤ដែលឱ្យទោសភ្លាមៗមិនបង្អង់យូរ។ ការលេងស្រីនេះរមែងហុចទោសឱ្យមិនរង់ចាំកាលទេពិសេសគឺនាំរោគ នាំរឿងចូលផ្ទះបំផ្លាញសុភមង្គលគ្រួសារ ។
ត្រូវដឹងថា ការលេងស្រី វាជាគ្រោះថ្នាក់មួយសម្រាប់បុគ្គលគ្រប់គ្នា ដែលជាទោសអាចបណ្ដាលឲ្យមានជំងឺកាមរោគរហូតក្ស័យប្រាណចាកប្រពន្ធកូនជាទីស្រលាញ់និងញាតិមិត្តជាទីរាប់អាន និងមានកំណើតទៅកាន់អបាយភូមិទៀតផង។ ល្បែងស្រីក៏ជាហេតុនាំឲ្យញៀនញ៉ាមត្រេកត្រអាលដោយរាគតណ្ហា ត្រូវកាមដឹកមុខហ៊ានប្រព្រឹត្តអំពើអបាយផ្សេងៗរហូតហ៊ានចាប់រំលោភក្មេងស្រី ឬចាប់រំលោភសេពសន្ថវៈ ទៅលើប្រពន្ធកូនអ្នកដទៃព្រោះតែតម្រេកដ៏ងប់ងល់នេះឯង។ រីឯលទ្ធផលដែលទទួលបានគឺ ត្រូវទទួលទោសទៅតាមផ្លូវច្បាប់ជាធរមាន ជាប់គុក ជាប់ច្រវាក់ជាយូរឆ្នាំទៅតាមទង្វើដែលខ្លួនបានប្រព្រឹត្ត។
នេះក៏ដោយសារល្បែងស្រី វានាំឲ្យចិត្តបុគ្គលញៀនញ៉ាមក្នុងកាមារម្មណ៍ មានតម្រេកចាំជាប់ក្នុងចិត្តជានិច្ច។ សួរថា បើយើងមិនរវល់នឹងល្បែងស្រីនោះ តើមានរឿងហេតុទាំងអស់នេះកើតឡើងដែរទេ? អាចឆ្លើយយ៉ាងងាយបំផុតថា មិនមានរឿងទាំងនេះកើតឡើងសោះឡើយ ព្រោះតែយើងបានប្រព្រឹត្តដ៏ត្រឹមត្រូវពោលគឺការមិនផិតក្បត់ប្រពន្ធ ឬប្តីសីនោះឯង។
ចែករំលែកព័តមាននេះ