ខេត្តបាត់ដំបង ៖ សេចក្តីរាយការណ៍បឋមឱ្យដឹងថា បុរសដែលគេមិនស្គាល់អត្តសញ្ញាណម្នាក់ ដែលបានយកកាំបិតអារ.កប៉ងធ្វើអត្តឃាតខ្លួនឯងនៅស្រុកថ្មគោលមិនបានសម្រេចនោះ បើតាមសេចក្ដីរាយការណ៍
ពីសមត្ថកិច្ចថា បុរសនេះបានស្លាប់ហើយ កាលពីព្រឹកថ្ងៃទី១៩ សីហា ក្រោយពីបញ្ជូនមកដល់មន្ទីរពេទ្យបង្អែកខេត្ត ដើម្បីជួយសង្គ្រោះ ។
លោកផង់ សុភាព អធិការស្រុកថ្មគោលបានប្រាប់កោះសន្តិភាព នៅព្រឹកថ្ងៃទី២០សីហា នេះថា អ្នកស្រុកមិនស្គាល់អត្តសញ្ញាណជនរងគ្រោះនោះទេ តែគេបានឃើញគាត់ប្រើកាំបិតចុងស្រួចអារ.កខ្លួនឯង កាលពីវេលាម៉ោង០៨ និង៤៥នាទីយប់ថ្ងៃទី១៨ សីហា ម្លេ៉ះ ស្ថិតនៅតាមដងផ្លូវស្ថិតក្នុងភូមិច្រនៀង ឃុំគោកឃ្មុំ ស្រុកថ្មគោល ។
លោកអធិការបានបញ្ជាក់ទៀតថា ជននេះបានប្រើកាំបិតអារ.កខ្លួនឯង បណ្ដាលឱ្យមានរបួសហូរឈាមជោកជាំពេញលើថ្នល់ ។ ពេលឃើញសកម្មភាពជនរងគ្រោះធ្វើបែបនេះ អ្នកភូមិនិងសមត្ថកិច្ចក៏បានចាប់ជននេះនេះ ដឹកទៅកាន់មន្ទីរពេទ្យបង្អែកស្រុកភ្លាមៗដែរ ដើម្បីជួយសង្គ្រោះ។
ប៉ុន្តែលោកផង់ សុភាព បានប្រាប់ថា ពេលគ្រូពេទ្យដាក់សេរ៉ូមបានមួយសន្ទុះ ស្រាប់តែជននេះដកចោល
រួចចុះរត់ទាំងហូរឈាមកក្លាក់ស្ទុះទៅទាញយកកូនកាំបិតរបស់ពេទ្យ ហើយរត់ចូលលួចចាក់ខ្លួនឯងថែមទៀត ។
ពេលនោះ គ្រូពេទ្យនិងសមត្ថកិច្ចបានតាមចាប់បញ្ជូនបន្តទៅកាន់មន្ទីរទេព្យខេត្តភ្លាមៗដែរ។ ប៉ុន្តែដោយសារមុខរបួសធ្ងន់ធ្ងរពេក រហូតដល់ព្រឹកថ្ងៃទី១៩សីហា ជនមិនស្គាល់អត្តសញាញរូបនេះក៏បានស្លាប់នៅមន្ទីរពេទ្យខេត្តតែម្ដង។
ព័ត៌មានលម្អឹងនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ