ទាំង២ករណីនេះស្លា.ប់មនុស្សទៀតហើយ
- ព្រះសីហនុ
ខេត្តព្រះសីហនុ ៖ តាមរបាយការសមត្ថកិច្ចបានឲ្យដឹងថា លើផ្លូវជាតិលេខ៤ នៅឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍ចំនួន០២ ករណីកើតឡើង ។…
ខេត្តព្រះសីហនុ ៖ តាមរបាយការសមត្ថកិច្ចបានឲ្យដឹងថា លើផ្លូវជាតិលេខ៤ នៅឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ មានករណីគ្រោះថ្នាក់ចរាចរណ៍ចំនួន០២ ករណីកើតឡើង ។
ដែលលើកទី០១ កាលពីវេលាម៉ោង១៨និង៥០នាទី ថ្ងៃទី១៩ ខែសីហា ឆ្នាំ២០១៨ កើតឡើងនៅចន្លោះគីឡូ១៩៣-១៩៤ ស្ថិតក្នុងភូមិអូរតាប៉ាង ឃុំអូរឧកញ៉ាហេង បង្កឡើងដោយរថយន្ត០១គ្រឿង កូរេ ពណ៌សលាយខៀវ ពាក់ស្លាកលេខភ្នំពេញ ៣B- ៦១៧៥ ទិសដៅពីខេត្តព្រះសីហនុទៅភ្នំពេញ អ្នកបើកបរគេចខ្លួន ហើយបានបុកបុរសម្នាក់ដើរថ្មើរជើង មិនស្គាល់អត្តសញ្ញាណ បណ្តាលឲ្យស្លាប់ភ្លាមៗនៅនឹងកន្លែង ។
បច្ចុប្បន្នសពយកទៅរក្សាទុកនៅវត្ត ដើម្បីស្រាវជ្រាវរកសាច់ញាតិ រីឯវត្ថុតាងយកទៅរក្សាទុកនៅអធិការដ្ឋាននគរបាលស្រុកព្រៃនប់ ។ លើកទី០២ វេលាម៉ោង០៤និង១៥នាទីទាបភ្លឺ ថ្ងៃទី២០ ខែសីហា ឆ្នាំ២០១៨ កើតឡើងនៅចន្លោះគីឡូ១៩៥-១៩៦ ភូមិបត់គគីរ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ បង្កឡើងដោយរថយន្ត០១គ្រឿង មិនស្គាល់ម៉ាក បានបុកបុរសម្នាក់ឈ្មោះ ជូ ម៉ារ៉េត ភេទប្រុស អាយុ៤៣ឆ្នាំ ជនជាតិខ្មែរ មុខរបរជាងសំណង់ ទីលំនៅចំណុចកើតហេតុខាងលើ បណ្តាលឲ្យស្លាប់ភ្លាមៗនៅនឹងកន្លែង ។ បច្ចុប្បន្នសពត្រូវបានសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ