រាជធានីភ្នំពេញ ៖ សម្រាប់ម៉ោងទី១ នៃការប្រឡងសញ្ញាបត្រធម្យមសិក្សាទុតិយភូមិឆ្នាំ ២០១៨នេះ ស្ថានភាពបេក្ខជនប្រឡងនៅតាមមណ្ឌលមួយចំនួនមានបញ្ហាសុខភាពក្នុងអំឡុងពេលនៃដំណើរការសំណេរប្រឡង ។
យោងតាមផេកសង្គមហ្វេសប៊ុកក្រសួងអប់រំយុវជន និងកីឡាបានឲ្យដឹងថា នៅថ្ងៃទី២០ សីហាសញ្ញាបត្រមធ្យមសិក្សាទុតិយភូមិសម័យប្រឡងថ្ងៃទី២០ សីហា ២០១៨ មានបេក្ខជនមួយចំនួនមានអាការវិលមុខ ខ្យល់គរ ក្អួត ជាដើម ។ ក្នុងនោះបេក្ខជនខ្លះបានបន្តការប្រឡងឡើងវិញ បន្ទាប់ពីមានអាការធូរស្រាល ក្រោយទទួលបានជំនួយសង្គ្រោះបឋមពីក្រុមគ្រូពេទ្យប្រចាំការនៅតាមមណ្ឌលនោះ ។
សម្រាប់ម៉ោងដំបូងនៃវិញ្ញាសារសរសេរបេក្ខជននៅខេត្តកំពង់ស្ពឺ (ស្រី) ម្នាក់បានសន្លប់ ។ នៅភ្នំពេញបេក្ខជនមានអាការចុកពោះខ្លាំង ក្រុមគ្រូពេទ្យបានឲ្យថ្នាំ ហើយលោកគ្រូក៏បានឲ្យបាយ និងចេក ដើម្បីបរិភោគ ។ ដោយអាការមិនបានធូរស្បើយ លោកប្រធានមណ្ឌលបានអនុញ្ញាតឲ្យបេក្ខជនប្រលងនៅក្រៅបន្ទប់ ដោយមានអនុរក្សឈ្មោះត្រួតពិនិត្យ ។
បេក្ខជនប្រឡងនៃមណ្ឌលវិទ្យាល័យក្រុងក្រចេះខាងកើតមានអាការស្លេកស្លាំងខ្លាំងត្រូវបានជួយសង្គ្រោះដោយបញ្ចូនទៅមន្ទីរពេទ្យខេត្តក្រចេះ ៕
ចែករំលែកព័តមាននេះ