រាជធានីភ្នំពេញ ៖ សម័យប្រឡងសញ្ញាបត្រ័មធ្យមសិក្សាទុតិយភូមិ ឬបាក់ឌុបចំណេះទូទៅ និងបំពេញវិជ្ជាប្រចាំឆ្នាំ២០១៧-២០១៨ បានចាប់ផ្តើមហើយ នៅព្រឹកថ្ងៃទី២០ សីហា ឆ្នាំ២០១៨នេះ នៅទូទាំង២៥រាជធានី ខេត្តទូទាំងប្រទេស ។
ក្នុងអត្តន័យជានិមិត្តរូបនៃការបើកសម័យប្រឡងនាព្រឹកថ្ងៃទី២០ សីហា ២០១៨នេះ លោក ហង្សជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា លោក ឃួង ស្រេង អភិបាលនៃគណៈអភិបាលរាជធានីភ្នំពេញលោក ហ៊ុន ម៉ានីប្រធានសហភាព សហព័ន្ធយុវជនកម្ពុជា និងមន្ត្រីតំណាងអង្គភាពប្រឆាំងអំពើពុករលួយបានអញ្ជើញទៅកាត់វិញ្ញាសារប្រឡងនៅវិទ្យាល័យព្រះស៊ីសុវត្ថិ ស្ថិតក្នុងខណ្ឌដូនពេញ រាជធានីភ្នំពេញ ។
សូមបញ្ជាក់ថា សម្រាប់ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០១៨នេះ សិស្សដែលបានដាក់ពាក្យប្រឡងមានចំនួន ១១៧០៦២នាក់ ស្រី៤៥.៧០៨នាក់ មានមណ្ឌលប្រឡងចំនួន១៩៦ មានចំនួន៤.៧១៨បន្ទប់ ចែកចេញជាពីរក្រុម គឺថ្នាក់វិទ្យាសាស្ត្រចំនួន ៥១,៧ភាគរយ និងថ្នាក់វិទ្យាសាស្ត្រសង្គមចំនួន៤៨,៣ភាគរយផងដែរ ។
បញ្ជាក់ ៖ សម្រាប់ពេលនេះរយៈពេល៥ឆ្នាំហើយ ដែលរឹតបណ្តឹងលើការងារប្រលង ដោយកត់សម្គាល់ថា នៅវិទ្យាល័យព្រះស៊ីសុវត្ថិ ព្រឹកថ្ងៃដំបូង គ្មានមានប្រយ៉ុងសូម្បីតែម្នាក់ឡើយ ដោយឃើញថា សិស្សមានការយល់ដឹងច្រើនពីការប្រលងនេះ ៕
ចែករំលែកព័តមាននេះ