ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅស្រុកកំពង់សិលាសមត្ថកិច្ចមូលដ្ឋានបានឲ្យដឹងថា ចរាចរណ៍តាមផ្លូវជាតិលេខ៤ ត្រង់ចំណុចស្ពានស្ទឹងសំរោង បើកដំណើរការធម្មតាទាំងរថយន្តតូច និងរថយន្តធំវិញហើយនាព្រឹកថ្ងៃទី២០ សីហា ២០១៨នេះ ក្រោយជំនន់ទឹកភ្លៀងស្រកអស់ ។
គួរបញ្ជាក់ថា ៖ នាវេលាម៉ោងជាង១រសៀលថ្ងៃទី១៩ សីហា ២០១៨នេះ ទឹកបានស្រកច្រើនហើយ ឯធាតុអាកាសក៏មិនមានភ្លៀងធ្លាក់បន្តដែរ ។
សេចក្តីរាយការណ៍បន្តថា ទោះជាយ៉ាងនេះក្តីចរាចរណ៍ឆ្លងកាត់អាជ្ញាធរអនុញ្ញាតបានតែរថយន្តតូចៗទេ ចំណែករថយន្តធំនៅផ្អាកបណ្តោះអាសន្ន ។ មន្ត្រីមូលដ្ឋានថ្លែងថា ពីពេលនេះរហូតដល់ល្ងាចប្រសិនបើមិនមានភ្លៀងធ្លាក់នៅប៉ែកខាងលើទៀតទេ ស្ថានភាពទឹកជំនន់នៅស្ពានស្ទឹងសំរោងនឹងកាន់តែថយចុះ ហើយចរាចរណ៍ក៏អាចនឹងបើកវិញជាធម្មតាដែរ ៕
ចែករំលែកព័តមាននេះ