ខេត្តកណ្តាល ៖ នារីម្នាក់ជាកម្មកររោងចក្រ បានបែកគំនិតក្លាយជាចោរដើរវះកាបូបយកលុយ យ៉ាងសកម្មចំនួន៥លើកមកហើយ ត្រូវបាននគរបាលស្រុកមុខកំពូលក្របួចជាប់។ ហេតុការណ៍នេះបានកើតឡើងនៅថ្ងៃសៅរ៍ ៧កើត ខែស្រាពណ៍ ឆ្នាំច…
ខេត្តកណ្តាល ៖ នារីម្នាក់ជាកម្មកររោងចក្រ បានបែកគំនិតក្លាយជាចោរដើរវះកាបូបយកលុយ យ៉ាងសកម្មចំនួន៥លើកមកហើយ ត្រូវបាននគរបាលស្រុកមុខកំពូលក្របួចជាប់។ ហេតុការណ៍នេះបានកើតឡើងនៅថ្ងៃសៅរ៍ ៧កើត ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៨ សីហា ២០១៨ វេលាម៉ោង១១ និង៤៥នាទីព្រឹក នៅចំណុចមុខរោងចក្រកាត់ដេរ សំលៀកបំពាក់ ស៊ិចផ្លាស់អិនដាស់ស្ទ្រី ភូមិកណ្ដាល ឃុំព្រែកអញ្ចាញ ស្រុកមុខកំពូល ខេត្តកណ្តាល។
នគរបាលបានឲ្យដឹងថា ជនរងគ្រោះឈ្មោះ ឆាយ សុខនី ភេទស្រី អាយុ៤៤ឆ្នាំ រស់នៅភូមិប្រាំយ៉ាម ឃុំប្រាំយ៉ាម ស្រុកស្រីសន្ធរ ខេត្តកំពង់ចាម មុខរបរកម្មកររោងចក្រ។ ជនសង្ស័យម្នាក់ឈ្មោះ ឈុន ហួយ ភេទស្រី អាយុ២៤ឆ្នាំ ទីលំនៅសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ មុខរបរមិនពិត ប្រាកដ។ សម្ភារបាត់បង់រួមមាន ប្រាក់ដុល្លារ១.២០០ដុល្លារ,ប្រាក់រៀល១.៤០០.០០០រៀល។
វត្ថុតាងចាប់យកបានមាន៖ ប្រាក់ដុល្លារចំនួន៩០០ដុល្លារ,ប្រាក់រៀលចំនួន១៥០.០០០រៀល, សៀវភៅបញ្ជីលុយចំនួន០២ក្បាល និងកាបូបជ័រពណ៌ស ស្នាមរហែកបណ្ដោយមួយចំហៀង មានដៃយួរចំនួន០១។ សូមបញ្ជាក់ផងដែរថា កន្លងមកជនសង្ស័យធ្លាប់ធ្វើសកម្មភាពវះកាបូប យកលុយគេបានចំនួន០៥លើក ជាមួយបក្ខពួកម្នាក់ទៀតឈ្មោះ ស្រីពៅ ដែលមិនស្គាល់ទីលំនៅពិតប្រាកដ។
ក្រោយពីធ្វើការសាកសួរជនសង្ស័យឈ្មោះ ឈុន ហួយ បានសារភាពថា ខ្លួននឹងជនសង្ស័យឈ្មោះ ស្រី ពៅ បានធ្វើសកម្មភាពលួចប្រាក់ជនរងគ្រោះពិតប្រាកដមែន។ ករណីនេះផ្នែកជំនាញ សហការជាមួយប៉ុស្តិ៍បន្តចាត់ការតាមនីតិវិធី៕
ចែករំលែកព័តមាននេះ