រាជធានីភ្នំពេញ ៖ បុរសជាកម្មកររោងចក្រកាត់ដេរម្នាក់បានដេកស្លាប់ក្នុងបន្ទប់ផ្ទះជួលមួយកន្លែងដោយគ្មាននរណាម្នាក់ដឹងឡើយ លុះរហូតជះក្លិនអសោចចេញមកក្រៅទើបត្រូវអ្នកជិតខាងប្រទះឃើញ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៦និង១០នាទីយប់ ថ្ងៃទី១៨ ខែសីហា ឆ្នាំ២០១៨ នៅបន្ទប់ជួលលេខ៨២ ជាន់ទី៣…
រាជធានីភ្នំពេញ ៖ បុរសជាកម្មកររោងចក្រកាត់ដេរម្នាក់បានដេកស្លាប់ក្នុងបន្ទប់ផ្ទះជួលមួយកន្លែងដោយគ្មាននរណាម្នាក់ដឹងឡើយ លុះរហូតជះក្លិនអសោចចេញមកក្រៅទើបត្រូវអ្នកជិតខាងប្រទះឃើញ ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៦និង១០នាទីយប់ ថ្ងៃទី១៨ ខែសីហា ឆ្នាំ២០១៨ នៅបន្ទប់ជួលលេខ៨២ ជាន់ទី៣ ស្ថិតក្នុងភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ។
បុរសរងគ្រោះខាងលើនេះឈ្មោះ លាង ឈុនរស្មី អាយុ២៥ឆ្នាំ មុខរបរកម្មកររោងចក្រកាត់ដេរ ស្នាក់នៅបន្ទប់ជួលកើតហេតុខាងលើ គាត់ជាបុរសពោះម៉ាយដោយបានលែងលះគ្នាជាមួយប្រពន្ធ ប៉ុន្តែមិនបានដឹងថា លែងគ្នារយៈពេលប៉ុន្មានខែមកហើយទេ។
បើពលរដ្ឋឲ្យដឹងថា បុរសរងគ្រោះខាងលើហាក់ដូចជាខូចចិត្តខ្លាំងណាស់ ព្រោះគាត់តែងតែសម្ដែងការក្រៀមក្រំមិនសូវរីករាយឡើយ មិនតែប៉ុណ្ណោះតែងផឹកស្រាស្រវឹងរាល់ថ្ងៃ មានពេលខ្លះស្រវឹងរហូតដល់ដាច់បាយថែមទៀតផង។ ហើយមុនកើតហេតុ ពួកគេមិនបានឃើញបុរសនេះ២ថ្ងៃមកហើយ ចំណែកបន្ទប់ដែលគាត់ស្នាក់នៅបានបិទទ្វារជិត ហើយម្នាក់ៗសង្ស័យថាគាត់ទៅលេងស្រុក ទើបគ្មានការចាប់អារម្មណ៍ថា គាត់ស្លាប់បែបនេះ។
ប្រភពដដែលបន្តថា លុះដល់យប់ថ្ងៃទី១៨ សីហា ស្រាប់តែធំក្លិនស្អុយចម្លែកភាយចេញពីក្នុងបន្ទប់ដែលគាត់ស្នាក់នៅនេះ ដោយសារតែមានការសង្ស័យ និងទ្រាំលែងបានក៏ខលប្រាប់ម្ចាស់ផ្ទះជួលឲ្យទៅជួយពិនិត្យមើល។ បន្ទាប់មកទើបនាំគ្នាបង្ហើបបង្អួចមើលក៏ប្រទះឃើញបុរសនេះដេកស្លាប់ ដោយមានសភាពហើមបាត់ទៅហើយ។ ខណៈនោះបានបង្កឲ្យមានការភ្ញាក់ផ្អើលទាំងយប់ ក៏រាយកាណ៍ជូននគរបាលចុះធ្វើការពិនិត្យ រួចប្រគល់សពជូនក្រុមគ្រួសារនាំយកទៅចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ