ត្រេកអរណាស់! វុត្ថា លាន់លិញ ដណ្ដើមបានកៅអី៨នាក់ហើយ
- ភ្នំពេញ
រាជធានីភ្នំពេញ ៖ ការប្រកួតកាលពីថ្ងៃទី១៨ សីហា នៅក្នុងព្រឹត្តិការណ៍ជើងឯក TV5 KNOCK OUK Series By…
រាជធានីភ្នំពេញ ៖ ការប្រកួតកាលពីថ្ងៃទី១៨ សីហា នៅក្នុងព្រឹត្តិការណ៍ជើងឯក TV5 KNOCK OUK Series By…
រាជធានីភ្នំពេញ ៖ ការប្រកួតកាលពីថ្ងៃទី១៨ សីហា នៅក្នុងព្រឹត្តិការណ៍ជើងឯក TV5 KNOCK OUK Series By (K-Cement) នៅព្រែកកំពឹស ដែលជាការរៀបចំរបស់ប៉ុស្ដិ៍លេខ៥ ត្រូវបានបញ្ចប់ទៀតហើយ ដោយការប្រកួតចាញ់ធ្លាក់ៗលើកនេះ ។
កីឡាករ វុត្ថា លាន់លិញ មកពីក្លិបអង្គរធំគុនខ្មែរ គឺជាអ្នកដណ្ដើមបានកៅអី៨នាក់ម្នាក់ទៀតហើយ។ ក្នុងនោះក៏បានធ្វើឱ្យគូប្រកួតរបស់គេ គឺកីឡាករ តាំង តាក់ ដែលបានតស៊ូតាំងពីវគ្គ៣២នាក់រហូតដល់១៦នាក់ ក្លាយជាអ្នកហាលអាវគួរឱ្យសោកស្ដាយផងដែរ។
នេះជាការប្រកួតដណ្ដើមកៅអី៨នាក់ក្នុងសប្ដាហ៍ថ្មី ខណៈដែលការប្រកួតនេះ ត្រូវបានធ្វើឡើងយ៉ាងស្វិតស្វាញបំផុត ហើយក្រោយការបញ្ចេញអស់សមត្ថភាពរៀងខ្លួនពេញរយៈពេល៣ទឹក កីឡាករបង្គោលខៀវ វុត្ថា លាន់លិញ បានឈ្នះពិន្ទុក្នុងភាគរយនាំមុខយ៉ាងតិចតួចបំផុតនៅលើសង្វៀន។
ក្នុងនាមជាអ្នកដែលមានមហិច្ឆតាចង់ក្លាយជាម្ចាស់ជ័យលាភីក្នុងព្រឹត្តិការណ៍ប្រកួតប្រជែងនេះ ក្នុងប្រភេទទម្ងន់៦០គីឡូក្រាម កីឡាកររូបនេះ បានប្រកាសថា ខ្លួនមិននឹកស្មានថា ដណ្ដើមបានកៅអីទៅកាន់វគ្គបន្តដូចការគ្រោងទុកយ៉ាងនេះឡើយ ក្នុងពេលដែលគូប្រកួតរបស់លោក ប្រើសុទ្ធតែយុទ្ធគុនយ៉ាងសាហាវៗដូចទឹកបាក់ទំនប់ ដោយវាយសន្ធាប់លើខ្លួនពេញរយៈពេល៣ទឹក។
លោកបានបន្តថា ខ្លួនចង់ព្រលឹងចុងសក់តាំងពីទឹកទី១ ដោយសារតែលោកបានឃើញថ្វីដៃរបស់គូប្រកួតថា ខ្លាំងជាពិសេសគឺសន្ទុះទាត់ និងកណ្ដាប់ដៃរបស់គេ មិនសរសើរមិនបាន។
ចែករំលែកព័តមាននេះ