ខេត្តកែប ៖ បុរសម្នាក់បានរងរបួសយ៉ាងធ្ងន់ធ្ងរ ខណៈជនរងគ្រោះជិះម៉ូតូប៉ះទង្គិចជាមួយម៉ូតូរ៉ឺម៉ក រួចជ្រុលទៅបុកជាមួយនឹងកន្ទុយរថយន្តឈប់ចតស្ងៀមនៅក្បែរចិញ្ចើមផ្លូវ ។ គ្រោះថ្នាក់ខាងលើបានកើតឡើង កាលពីវេលាម៉ោង៧និង២០នាទីយប់ថ្ងៃទី១៧ ខែសីហា ឆ្នាំ២០១៨…
ខេត្តកែប ៖ បុរសម្នាក់បានរងរបួសយ៉ាងធ្ងន់ធ្ងរ ខណៈជនរងគ្រោះជិះម៉ូតូប៉ះទង្គិចជាមួយម៉ូតូរ៉ឺម៉ក រួចជ្រុលទៅបុកជាមួយនឹងកន្ទុយរថយន្តឈប់ចតស្ងៀមនៅក្បែរចិញ្ចើមផ្លូវ ។ គ្រោះថ្នាក់ខាងលើបានកើតឡើង កាលពីវេលាម៉ោង៧និង២០នាទីយប់ថ្ងៃទី១៧ ខែសីហា ឆ្នាំ២០១៨ ត្រង់ចំណុចមុខផ្ទះពូផាត ស្ថិតលើកំណាត់ផ្លូវជាតិលេខ33A ក្នុងភូមិកំពង់ត្រឡាច សង្កាត់ព្រៃធំ ក្រុង-ខេត្តកែប ។
ទាក់ទិននឹងករណីគ្រោះថ្នាក់ចរាចរណ៍ខាងលើលោកវរសេនីយ៍ឯក សូង សិន អធិការនគរបាលក្រុងកែបបានឲ្យដឹងថា គ្រោះថ្នាក់នេះផ្តើមឡើងដោយសារម៉ូតូ ជនរងគ្រោះបុកជាមួយម៉ូតូរ៉ឺម៉កទើបម៉ូតូនោះជ្រុលទៅបុកនឹងគូថរថយន្តម៉ាកហាយលែនឌ័រមួយគ្រឿងទៀត ដែលកំពុងចតស្ងៀមនៅក្បែរចិញ្ចើមផ្លូវ ទើបបណ្តាលឲ្យមានករណីរងរបួសធ្ងន់ធ្ងរយ៉ាងនេះ ។
លោកអធិការបានបញ្ជាក់ទៀតថា ជនរងគ្រោះក្នុងហេតុការណ៍ខាងលើមានឈ្មោះ ឆាយ ហេង ភេទប្រុស អាយុ៥១ឆ្នាំ (របួសធ្ងន់) រស់នៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប ។ ជនរងគ្រោះជិះម៉ូតូម្នាក់ឯង ម៉ាកCD ពណ៌ខ្មៅ ពាក់ស្លាកលេខកំពត 1A -3729 ។
ដោយឡែករថយន្តដែលឈប់ក្បែរចិញ្ចើមផ្លូវម៉ាកហាយលែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AD-7780 បើកបរដោយឈ្មោះ លី សារឹម ភេទប្រុស អាយុ៥១ឆ្នាំ រស់នៅភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ។
បច្ចុប្បន្នជនរងគ្រោះជាម្ចាស់ម៉ូតូត្រូវបានរថយន្តសាមុយរបស់ស្នងការដ្ឋាននគរបាលខេត្តកែប ដឹកបញ្ជូនទៅសង្គ្រោះនៅឯមន្ទីរពេទ្យប្រទេសវៀតណាម ។ ចំណែកមធ្យោបាយពាក់ព័ន្ធសមត្ថកិច្ចបាននាំទៅរក្សាទុកនៅអធិការដ្ឋាននគរបាលក្រុងកែបសម្រាប់ធ្វើការដោះស្រាយគ្នាជាក្រោយ ៕
ចែករំលែកព័តមាននេះ