ADផ្ទាំងផ្សព្វផ្សាយពាណិជ្ជកម្ម

Picture

សភាជាតិ​នូ​វែ​ល​សេ​ឡង់​ចេញ​ច្បាប់​ហាម​បរទេស​ទិញ​ផ្ទះ

5 ឆ្នាំ មុន

ទីក្រុង​វែ​លី​តុ​ន ៖ សភាជាតិ​របស់​ប្រទេស​នូ​វែ​ល​សេ​ឡង់ កាលពី​ថ្ងៃ​ព្រហស្បតិ៍ បាន​ចេញ​ច្បាប់​មួយ​ហាមឃាត់​ជនបរទេស​ដែល​មិន​រស់នៅ​ក្នុង​តំបន់ ក្នុង​ការ​ទិញ​ផ្ទះ​ដែល​មាន​ស្រាប់ ។ អ្នកស្រី​នាយក​រដ្ឋមន្ត្រី Jacinda Ardern…

ទីក្រុង​វែ​លី​តុ​ន ៖ សភាជាតិ​របស់​ប្រទេស​នូ​វែ​ល​សេ​ឡង់ កាលពី​ថ្ងៃ​ព្រហស្បតិ៍ បាន​ចេញ​ច្បាប់​មួយ​ហាមឃាត់​ជនបរទេស​ដែល​មិន​រស់នៅ​ក្នុង​តំបន់ ក្នុង​ការ​ទិញ​ផ្ទះ​ដែល​មាន​ស្រាប់ ។

អ្នកស្រី​នាយក​រដ្ឋមន្ត្រី Jacinda Ardern របស់​ប្រទេស​នេះ​បាន​សន្យា​ថា នឹង​កាត់​បន្ថយ​កំណើន​តម្លៃ​ផ្ទះ និង​កាត់​បន្ថយ​អត្រា​ប្រជាជន​គ្មាន​ផ្ទះ​ស្នាក់​នៅ ដោយ​ចេញ​ការ​ហាមឃាត់​លើ​អតិថិជន​បរទេស ។

អនុរដ្ឋមន្ត្រី​ហិរញ្ញវត្ថុ​លោក David Parker បាន​និយាយ​ថា ៖« វា​ពិតជា​ព្រឹត្តិការណ៍​ដ៏​សំខាន់​មួយ និង​បង្ហាញ​ពី​ការ​ប្តេជ្ញា​របស់​រដ្ឋាភិបាល​នេះ​ក្នុង​ការ​សម្រេច​ក្តី​សុបិន​ធ្វើ​ជា​ម្ចាស់​កម្មសិទ្ធិ​ផ្ទះ​សម្រាប់​ប្រជាជន​នូ​វែ​ល​សេ​ឡង់​កាន់តែ​ច្រើន »​។

ម្ចាស់​កម្មសិទ្ធិ​បរទេស​បាន​ទាក់ទាញ​ការ​រិះគន់​យ៉ាង​ខ្លាំង​ក្នុង​រយៈពេល​ប៉ុន្មាន​ឆ្នាំ​ថ្មី​ៗ​នេះ ខណៈ​ដែល​ប្រទេស​នូ​វែ​ល​សេ​ឡង់​ជួប​ប្រទះ​កង្វះ​ការ​ផ្គត់ផ្គង់​ផ្ទះ​ដែល​បង្ក​ឲ្យ​តម្លៃ​លក់​មធ្យម​ក្នុង​ទីក្រុង​Auckland កើនឡើង​ស្ទើរតែ​ទ្វេ​ដង​ក្នុង​រយៈពេល​១០​ឆ្នាំ​មកនេះ និង​កើនឡើង​ច្រើន​ជាង​៦០%​ទៅ​ទៀត​ទូ​ទាំង​ប្រទេស ។

ទោះ​យ៉ាងនេះ​ក្ដី កំណើន​តម្លៃ​ផ្ទះ​បាន​អន់​ថយ​ហើយ​ក្នុង​រយៈពេល​១​ឆ្នាំ​មកនេះ ដោយ​មួយ​ផ្នែក​មក​ពី​ការ​ហាមឃាត់​ផ្នែក​ផ្តល់​ប្រាក់​កម្ចី​ដោយ​ធនាគារជាតិ ។

ទិន្នន័យ​ដែល​បាន​ចេញ​ដោយ​វិទ្យាស្ថាន​អចលនទ្រព្យ​នូ​វែ​ល​សេ​ឡង់​កាលពី​ថ្ងៃ​ព្រហស្បតិ៍​បាន​ឲ្យ​ដឹង​ថា តម្លៃ​ផ្ទះ​ជា​មធ្យម​បាន​ធ្លាក់​ចុះ ១,៨%​មក​ស្មើ​ប្រមាណ​៣៦​ម៉ឺន​ដុល្លារ កាលពី​ខែ​មុន បើ​ធៀប​នឹង​ខែមិថុនា ប៉ុន្តែ​នៅ​តែ​ខ្ពស់​ជាង​ឆ្នាំ​មុន​៦,២%​ដដែល ។

រដ្ឋាភិបាល​បាន​អនុញ្ញាត​ឲ្យ​អតិថិជន​បរទេស​មាន​ភាគហ៊ុន​ដល់​ទៅ​៦០%​នៃ​អចលនទ្រព្យ​បាន​សម្រាប់​អគារ​អា​ផាត​ម៉ិ​ន​ថ្មី​ៗ ប៉ុន្តែ​ពួក​គេ​មិន​អាច​ទិញ​ផ្ទះ​ដែល​បាន​សាងសង់​រួច​ទេ ។

កាលពី​ខែ​មុន មូលនិធិ​រូបិយ​វត្ថុ​អន្តរជាតិ​បាន​ជំរុញ​ឲ្យ​រដ្ឋាភិបាល​ពិចារណា​លើ​ការ​ហាមឃាត់​ម្តងទៀត និង​ព្រមាន​ថា ការ​សម្រេចចិត្ត​នេះ​អាច​ប៉ះពាល់​ដល់​ការ​វិនិយោគ​ផ្ទាល់​ពី​បរទេស​ដែល​ចាំបាច់​សម្រាប់​ការ​សាងសង់​ផ្ទះ​ថ្មី​ៗ ៕

អត្ថបទសរសេរ ដោយ

កែសម្រួលដោយ