ខេត្តកណ្តាល ៖ ក្នុងប្រតិបត្តិការណ៍ដ៏ក្តៅគគុកមួយរបស់នគរបាលក្រុងតាខ្មៅ បានធ្វើការឃាត់ខ្លួន មុខសញ្ញាជួញដូរគ្រឿងញៀនបានចំនួន៤នាក់ រួមទាំងកាំភ្លើង១ដើម និងថ្នាំញៀន១២កញ្ចប់ ធ្វើឡើង កាលពីម៉ោង០៤ និង៣០នាទីរសៀលថ្ងៃទី១៧…
ខេត្តកណ្តាល ៖ ក្នុងប្រតិបត្តិការណ៍ដ៏ក្តៅគគុកមួយរបស់នគរបាលក្រុងតាខ្មៅ បានធ្វើការឃាត់ខ្លួន
មុខសញ្ញាជួញដូរគ្រឿងញៀនបានចំនួន៤នាក់ រួមទាំងកាំភ្លើង១ដើម និងថ្នាំញៀន១២កញ្ចប់ ធ្វើឡើង
កាលពីម៉ោង០៤ និង៣០នាទីរសៀលថ្ងៃទី១៧ សីហា ស្ថិតនៅចំណុចភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។
សេចក្តីរាយការណ៍បន្តថា ជនសង្ស័យ៤នាក់ ១-ឈ្មោះ សុន សាន់ ហៅក្រៅ អាក្របី អាយុ១៣ឆ្នាំ ស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ២-ឈ្មោះខឿន ប្រុស ហៅក្រៅប្រុស អាយុ ២១ឆ្នាំ ស្រុកកំណើត នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ៣-ឈ្មោះសុន សាន្ត ហៅក្រៅ សាន្ត ភេទប្រុស អាយុ១៥ឆ្នាំ ស្រុកកំណើត នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល និង៤-ឈ្មោះ ធី កុសល ហៅក្រៅង៉ោ ភេទប្រុស អាយុ១៨ឆ្នាំ ស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។
លោកអធិការក៏បានបញ្ជាក់ដែរថា នៅថ្ងៃកើតហេតុ កម្លាំងទទួលបានការរាយការណ៍ពីពលរដ្ឋមកថា មានគេកំពុងលក់គ្រឿងញៀន ទើបកម្លាំងចុះទៅឆែកឆេរនៅផ្ទះជនសង្ស័យម្នាក់ឈ្មោះ សុន សាន់ នៅចំណុច ភូមិលេខ១ ឃុំស្វាយរលំ ស្រុកស្អាង ខេត្តកណ្តាល ក៏បានរកឃើញម្សៅក្រាមពណ៌.សថ្លា សង្ស័យសារធាតុញៀនចំនួន១២កញ្ចប់ (២កញ្ចប់ធំ ១០កញ្ចប់តូច) កាំភ្លើងខ្លី១ដើម ទើបឃាត់ខ្លួនបញ្ជូនមកអធិការក្រុង
តាខ្មៅតែម្តង ។
នៅចំពោះមុខសមត្ថកិច្ច ជនសង្ស័យបានឆ្លើយថា ថ្នាំញៀននេះខ្លួនពិតជាបានទិញពីឈ្មោះស្វិត មានទី
លំនៅស្ថិតនៅក្នុងភូមិព្រែកសំរោង២ សង្កាត់តាខ្មៅ ក្រុងតាខ្មៅ ខេត្តកណ្តាល ទើបកម្លាំងក្របួចជាប់បានទាំងអស់តែម្តង ។
ចែករំលែកព័តមាននេះ