កាលមុន… មហាជនជ្រេញទង្វើលោកសេដ្ឋីដើររើសសំរាមរូបនេះ
តាមប្រភពពី Oddity Central បានឲ្យដឹងថា សេដ្ឋីម្ចាស់មុខជំនួញធំម្នាក់នៅក្រុងឆុងឈីង ប្រទេសចិន ត្រូវបានគេស្គាល់ថា ជា «សេដ្ឋីប្រមូលសំរាម» ។…
តាមប្រភពពី Oddity Central បានឲ្យដឹងថា សេដ្ឋីម្ចាស់មុខជំនួញធំម្នាក់នៅក្រុងឆុងឈីង ប្រទេសចិន ត្រូវបានគេស្គាល់ថា ជា «សេដ្ឋីប្រមូលសំរាម» ។ នេះក៏ដោយសារតែរូបលោកតែងចំណាយពេលទំនេររបស់លោកមករើសសម្រាម តាមដងផ្លូវក្នុងទីក្រុង។
សេដ្ឋី Zhong Congrong អាយុ៥២ឆ្នាំ បានចាប់ផ្តើមទម្លាប់រើសសម្រាមនេះ បានរយៈពេល៣ឆ្នាំ
ហើយ បន្ទាប់ពីលោកបានយកគំរូតាមសាស្ត្រាចារ្យចូលនិវត្តន៍ម្នាក់ នៅខេត្តហាយណាន ។ កាលពីបីឆ្នាំ
មុន លោកបានទៅលំហែកាយនៅខេត្តហាយណាន ហើយក៏ជួបជាមួយនឹងសាស្ត្រាចារ្យចូលនិវត្តន៍ម្នាក់ ដែលតែងរើសសំរាមតាមដងផ្លូវអស់រយៈពេល៤ឆ្នាំកន្លងមក ។ ក្រោយត្រឡប់មកពីខេត្តហាយណាន
វិញ លោក Zhong ក៏ចាប់ផ្តើមធ្វើតាមស្ត្រីម្នាក់នោះ។
ដំបូងឡើយ មនុស្សមួយចំនួនធំបានជ្រេញនឹងទង្វើរបស់លោក ថាលោកជាមនុស្សចង់បានចំណាប់អារម្មណ៍ ។ ពួកគេមិនជឿថា សេដ្ឋីដែលមានអចលនាទ្រព្យច្រើនកន្លែង ហាងលក់រថយន្ត និងរោងចក្រ មកដើររើសសំរាមបែបនេះទៅវិញ ។
លោកមិនត្រឹមតែដើររើសសំរាមនោះទេ លោកថែមទាំងស្តីឱ្យអ្នកទាំងឡាយណា ដែលចោលសំរាមផ្តេសផ្តាសទៀត ។ ដោយសារតែទ្រាំនឹងការគិតអវិជ្ជមានរបស់មហាជនមិនបាន ប្រពន្ធនិងកូនរបស់លោកមិនហ៊ានចេញទៅណាមកណាជាមួយនឹងលោកឡើយ ដោយគិតថា ខ្មាស់គេ។
ក្រោយមក គ្រប់គ្នាក៏សង្កេតឃើញថា ទីក្រុងរបស់ពួកគេស្អាតជាងមុន ហើយក៏ពេញចិត្តសរសើរទង្វើរបស់លោកសេដ្ឋីថា មិនមែនធ្វើដើម្បីចំណាប់អារម្មណ៍នោះទេ ។
សេដ្ឋី Zhong បាននិយាយយ៉ាងមានន័យចាក់ដោតក្នុងបេះដូងថា «មិនថាអ្នកជាអ្នកបោសសំរាម ឬអ្នករើសសំរាមឡើយ គឺមិនពាក់ព័ន្ធនឹងកម្រិតការសិក្សា វប្បធម៌ អាយុ ឬ វណ្ណៈក្នុងសង្គមឡើយ»។ សូមចូល
រួមចោលសំរាមឱ្យមានសណ្តាប់ធ្នាប់ ដើម្បីទីក្រុងស្អាតទាំងអស់គ្នា ។
ចែករំលែកព័តមាននេះ