ជនជាតិចិន៤នាក់ ត្រូវបានតុលាការចោទពីបទលួចមានស្ថានទម្ងន់ទោស
- សៀមរាប
ខេត្តសៀមរាប ៖ នេះបើយោងតាមពាក្យសម្តីរបស់លោក យិន ស្រាង អ្នកនាំពាក្យតុលាការខេត្ត សៀមរាប បានប្រាប់ថា ជនសង្ស័យទាំង៤នាក់ ជនជាតិចិននោះ…
ខេត្តសៀមរាប ៖ នេះបើយោងតាមពាក្យសម្តីរបស់លោក យិន ស្រាង អ្នកនាំពាក្យតុលាការខេត្ត សៀមរាប បានប្រាប់ថា ជនសង្ស័យទាំង៤នាក់ ជនជាតិចិននោះ…
ខេត្តសៀមរាប ៖ នេះបើយោងតាមពាក្យសម្តីរបស់លោក យិន ស្រាង អ្នកនាំពាក្យតុលាការខេត្ត សៀមរាប បានប្រាប់ថា ជនសង្ស័យទាំង៤នាក់ ជនជាតិចិននោះ ដែលសមត្ថកិច្ចបញ្ជូនមកដល់ដៃតុលាការ នៅរសៀលថ្ងៃទី១៧ ខែសីហានេះ ត្រូវបានតុលាការចោទពីបទលួចមានស្ថានទម្ងន់ទោស តាមមាត្រា ៣៥៧ ក្រមព្រហ្មទណ្ឌមានទោស ចាប់ពី៣ទៅ១០ឆ្នាំ។
បើតាមប្រភពពីសមត្ថកិច្ចបានប្រាប់់ថា ផ្អែកតាមចម្លើយសារភាពរបស់ជនសង្ស័យទាំង៣នាក់ ឈ្មោះ ZHANG YONGSHIN-ឈ្មោះ HU MING CHAO -ឈ្មោះ LI XIAO SI និងដោយបានការអនុញ្ញាតពីលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាប នាវេលាម៉ោង១០ព្រឹកថ្ងៃទី១៦ ខែសីហា ឆ្នាំ២០១៨ កម្លាំងការិយាល័យស៊ើបអង្កេត និងអនុវត្តនីតិវិធី បានចុះទៅចំណុចភោជនីយដ្ឋាន មីខ្មែរ-ចិន ស្ថិតនៅភូមិ តាភុល សង្កាត់ ស្វាយដង្គំ ក្រុង/ខេត្តសៀមរាប នាំខ្លួនជនបរទេសម្នាក់រួមនឹងវត្ថុតាង(ម៉ូតូ)១គ្រឿង មកសាកសួរនៅការិយាល័យពាក់ព័ន្ធនឹងករណីការទទួលផលចោរកម្ម។
ជនបរទេសរូបនេះឈ្មោះ CHEN HEBING ភេទប្រុស កើតឆ្នាំ១៩៧១ ជនជាតិចិន កាន់លិខិតឆ្លងដែនលេខ E៨២៥៥៤៥៨៧ មុខរបរថៅកែភោជនីយដ្ឋាន មីខ្មែរ-ចិន ស្នាក់នៅក្នុងភោជនីយដ្ឋានខាងលើ។ ជនបរទេសរូបនេះបាន សារភាពថា៖ កាលពីថ្ងៃទី៣១ កក្កដា ២០១៨ ខ្លួនពិតជាបានទិញម៉ូតូ១គ្រឿងម៉ាក ZOOMER X ពណ៌ខ្មៅ-ទឹកក្រូច គ្មានស្លាកលេខ គ្មានឯកសារពីឈ្មោះ ZHANG YONHSHING ក្នុងតម្លៃ ៥៧០ដុល្លារប្រាកដមែន។ មូលហេតុ៖ ដោយខ្លួនយល់ឃើញថា ម៉ូតូនេះលក់ក្នុងតម្លៃទាបជាងទីផ្សារ ហេតុនេះទើបខ្លួនសម្រេចចិត្តទិញទោះបីមានការសង្ស័យថា អាចជាម៉ូតូលួចពីគេ ឬម៉ូតូមានបញ្ហាក៏ដោយ។
ហើយជនសង្ស័យទាំង៣នាក់ខាងលើ មុនឈានដល់ធ្វើជិះឡាន សកម្មភាពប្លន់អ្នកដូរលុយ និងវេរលុយ កាលពីថ្ងៃទី១៤ ខែសីហា ឆ្នាំ២០១៨ ស្ថិតនៅផ្ទះជនរងគ្រោះ ក្នុងភូមិអូរតាប្រាក់ ឃុំពួក ស្រុកពួក ខេត្តសៀមរាប ទៅលើជនរងគ្រោះប្រុសស្រី ក្មេងចាស់ចំនួន៤នាក់ ដែលត្រូវជាម្តាយមីង និងក្មួយ។ ប្រភពបានបន្តថា បន្ទាប់ពីបានធ្វើការឃាត់ខ្លួនជនជាតិចិនចំនួន៣នាក់ ដែលវាយប្លន់អ្នកដូរលុយ និងវេរលុយវីង នៅស្រុកពួកនោះ។
ជនសង្ស័យជនជាតិចិនទាំង៣នាក់ នេះ បានជិះឡានធ្វើសកម្មភាពទៅខេត្តបន្ទាយមានជ័យលួចម៉ូតូបានចំនួន២គ្រឿងនៅក្រុងប៉ោយប៉ែត រួចមក ក៏បានធ្វើសកម្មភាពលួចម៉ូតូ១គ្រឿងទៀតនៅក្នុងក្រុងសៀមរាប ហើយយកមកលក់ឱ្យថៅកែហាង ១គ្រឿង។ ក្រោយមកកម្លាំងជំនាញយើងក៏បានស្រាវជ្រាវរហូតឈានដល់ធ្វើការឃាត់ខ្លួនត្រូវជនសង្ស័យ ជនជាតិចិនជាថៅកែហាងម្នាក់ទៀត ដែលជាអ្នកទទួលផលចោរកម្ម(ទិញម៉ូតូពីជនទាំង៣នាក់) នោះ។
ត្រូវបានលោក កើត វណ្ណារ៉េត ព្រះរាជអាជ្ញាអមសាលាដំបូងខេត្តសៀមរាបសម្រេចឱ្យឃាត់ខ្លួន បណ្តោះអាសន្ននៅស្នងការដ្ឋាននគរបាលខេត្តសៀមរាបដើម្បីរៀបចំកសាងសំណុំរឿងបញ្ជូនទៅដល់ដៃតុលាការហើយនៅវេលាម៉ោង២រសៀល ថ្ងៃទី១៧ ខែសីហា ឆ្នាំ២០១៨។ បច្ចុប្បន្នជនសង្ស័យជនជាតិ ចំនួន៤នាក់ និងវត្ថុតាងត្រូវបានតុលាការសម្រេចឱ្យយកទៅឃុំខ្លួននៅពន្ធនាគារ នាល្ងាចថ្ងៃទី១៧ ខែសីហានេះ៕
ចែករំលែកព័តមាននេះ