ខេត្តតាកែវ ៖ រថយន្តមួយគ្រឿងដែលដឹកសម្ភារអីវ៉ាន់ចាប់ហ៊ួយបានដាច់កង់ក្រោយ រេចង្កូតក្រឡាប់បះជើងឡើងលើ តែសំណាងល្អមិនបណ្តាលឱ្យមនុស្សណាម្នាក់រងគ្រោះថ្នាក់នោះឡើយ ។ ហេតុការណ៍នេះបានកើតឡើងកាលពីវេលាម៉ោង១០ព្រឹកថ្ងៃទី១៧ ខែសីហា ២០១៨ នៅតាមបណ្តោយផ្លូវជាតិលេខ២…
ខេត្តតាកែវ ៖ រថយន្តមួយគ្រឿងដែលដឹកសម្ភារអីវ៉ាន់ចាប់ហ៊ួយបានដាច់កង់ក្រោយ រេចង្កូតក្រឡាប់បះជើងឡើងលើ តែសំណាងល្អមិនបណ្តាលឱ្យមនុស្សណាម្នាក់រងគ្រោះថ្នាក់នោះឡើយ ។ ហេតុការណ៍នេះបានកើតឡើងកាលពីវេលាម៉ោង១០ព្រឹកថ្ងៃទី១៧ ខែសីហា ២០១៨ នៅតាមបណ្តោយផ្លូវជាតិលេខ២ ត្រង់ចន្លោះគីឡូមែត្រលេខ៩៩ និងលេខ១០០ នៅក្នុងភូមិត្រពាំងលើក ឃុំស្មោង ស្រុកទ្រាំង ខេត្តតាកែវ។
ប៉ូលិសចរាចរស្រុកបានឱ្យដឹងថា អ្នកបើកបររថយន្តខាងលើឈ្មោះណុប បុប្ផា ភេទប្រុស អាយុ២៣ឆ្នាំ រស់នៅភូមិព្រេច សង្កាត់រកាក្រៅ ក្រុងដូនកែវ ខេត្តតាកែវ បានបើករថយន្តមួយគ្រឿង ពណ៌ស ពាក់ស្លាខលេខ ភ្នំពេញ ២AK-៦៣៧៥ បានធ្វើដំណើរក្នុងទិសដៅពីជើងទៅត្បូង ដើម្បីដឹកអីវ៉ាន់ទៅដាក់ឱ្យម៉ូយនៅផ្សារទន្លាប់ ស្រាប់តែមកដល់កន្លែងកើតហេតុ រថយន្តបានដាច់កង់ក្រោយផ្នែកខាងឆ្វេង ក៏បានរេចង្កូតក្រឡាប់ទៅចិញ្ចើមផ្លូវ តែសំណាងល្អ ពុំបណ្តាលឱ្យមនុស្សណាម្នាក់រងគ្រោះថ្នាក់ដល់ជីវិតនោះឡើយ។
ក្រោយពេលកើតហេតុ សមត្ថកិច្ចជំនាញបានចុះមកដល់កន្លែងកើតហេតុ និងធ្វើការត្រួតពិនិត្យ ដោយឃើញករណីគ្រោះថ្នាក់ចរាចរណ៌នេះបង្កឡើងដោយខ្លួនឯង និងពុំបណ្តាលឱ្យអ្នកដទៃរងគ្រោះថ្នាក់នោះ សមត្ថកិច្ចបានឱ្យម្ចាស់រថយន្តយករថយន្តផ្សេងទៀតមកដឹកអីវ៉ាន់ និងយករថយន្តដែលរងការខូចខាតខាងលើនោះទៅជួសជុលដោយខ្លួនឯង ៕
ចែករំលែកព័តមាននេះ