រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសជាអ្នករត់ម៉ូតូឌុបម្នាក់ មិនគិតខំប្រឹងរកម៉ូយឌុបដើម្បីបានលុយឱ្យប្រពន្ធ-កូននោះទេ បែរជាយកពេលអង្គុយផឹកស៊ីសើចសប្បាយក្អាកក្អាយ ។ លុះដល់ពេលស្រវឹង បានបញ្ចេញចរិតកោងកាចដូចយក្ស ដោយបានទៅរករឿងអ្នកជិតខាង…
រាជធានីភ្នំពេញ ៖ សេចក្តីរាយការណ៍ឱ្យដឹងថា បុរសជាអ្នករត់ម៉ូតូឌុបម្នាក់ មិនគិតខំប្រឹងរកម៉ូយឌុបដើម្បីបានលុយឱ្យប្រពន្ធ-កូននោះទេ បែរជាយកពេលអង្គុយផឹកស៊ីសើចសប្បាយក្អាកក្អាយ ។ លុះដល់ពេលស្រវឹង បានបញ្ចេញចរិតកោងកាចដូចយក្ស ដោយបានទៅរករឿងអ្នកជិតខាង ហើយនិយាយបោះពាក្យសម្ដីទៅកាន់បុរសជាជាងម៉ាស៊ីនត្រជាក់ម្នាក់ថា «បើអញវាយកូនជាងឯង តើវាយ៉ាងម៉េច អស់ប៉ុន្មានលុយដែរ?» ។
ហេតុការណ៍នេះ បានកើតឡើងកាលពីវេលាម៉ោង១២ថ្ងៃត្រង់ថ្ងៃទី១៧ សីហា ស្ថិតនៅចំណុចផ្ទះជួលមួយកន្លែង ក្នុងភូមិជម្ពូវ័ន សង្កាត់ចោមចៅ៣ ខណ្ឌពោធិ៍សែនជ័យ ។ ជនសង្ស័យខាងលើនោះ ឈ្មោះសុខ អាយុ៣៤ឆ្នាំ មុខរបររត់ម៉ូតូឌុប ស្នាក់នៅក្នុងភូមិកើតហេតុ។ ចំណែកជនរងគ្រោះទាំង២នាក់ ទាំងមេនិងកូនជាង បានសុំមិនបញ្ចេញឈ្មោះទេ។
សេចក្តីរាយការណ៍បន្តថា គេមិនដឹងនោះទេថា បុរសរូបនេះធ្លាប់មានគំនុំអ្វីជាមួយជនរងគ្រោះពីមុនមកឡើយ។ លុះបន្តិចក្រោយមក ក៏បានស្ទុះទៅវាយនិងច្របាច់កយុវជនម្នាក់ដែលជាកូនជាងម៉ាស៊ីនត្រជាក់នោះ បង្កឱ្យមានការភ្ញាក់ផ្អើលតែម្ដង ។ ក្រោយពេលឃើញកូនជាង ត្រូវជនកម្រោលនោះវាយ បុរសជាមេជាងម៉ាស៊ីនត្រជាក់ចូលទៅជួយឃាត់កុំឱ្យវាយ បែរជាត្រូវបានជនសង្ស័យវាយឡើងសន្ធាប់ បណ្ដាលឱ្យត្រូវចំច្រមុះ១ដៃងងឹតមុខឈឹង ស្ទើរតែដួលដន្លប់ ។
មិនតែប៉ុណ្ណោះ បុរសស្រវឹងស្រារូបនេះ បានយកកាំបិតប្រុងចាក់សម្លាប់ទៀត ប៉ុន្តែខណៈនោះ ជនរងគ្រោះទាំងមេនិងកូនជាងគេចផុតទាន់ រួចរត់ទៅប្តឹងសមត្ថកិច្ចប៉ុស្តិ៍ចោមចៅ៣ឱ្យចុះមកអន្តរាគន៍ឃាត់ខ្លួន ។
ចែករំលែកព័តមាននេះ