រាជធានីភ្នំពេញ ៖ បុរសម្នាក់ទើបតែចេញមកពីកម្មវិធីមិត្តនៅកោះពេជ្រជិះម៉ូតូទៅផ្ទះនៅម្តុំជ្រោយចង្វារបើកលឿនពេកក៏ជ្រុលទៅបុកខឿនសួនច្បារពុះចែកទ្រូងផ្លូវបណ្តាលអោយដួលរងរបួសបែកមុខបែកមាត់ ហេតុការណ៍នេះបានកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី១៧ ខែសីហា ឆ្នាំ២០១៨ តាមបណ្តោយផ្លូវជាតិលេខ៦ នៅចំណុចរង្វង់មូលព្រហ្មមុខបួន ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់ជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ស្វាយរៀង 1J-8315 បើកបរតាមបណ្តោយផ្លូវជាតិលេខ៦ក្នុងទិសដៅពីត្បូងទៅជើង ខណៈបើកមកដល់ចំណុចកើតហេតុខាងលើដោយសារតែជនរងគ្រោះស្រវឹងស្រាខ្លាំងពេកហើយបើកល្បឿនលឿនចាប់ហ្វ្រាំងមិនទាន់ក៏ជ្រុលទៅបុកខឿនសួនច្បារពុះចែកទ្រូងផ្លូវបណ្តាលអោយដួលខ្លួនឯងរងរបួសបែកមុខបែកមាត់សន្លប់មួយភាំងទើបដឹងខ្លួន ។
ពេលប្រជាពលរដ្ឋសួរនាំជនរងគ្រោះនិយាយថា គាត់ទើបតែចេញមកពីមជ្ឈមណ្ឌលកោះពេជ្រ ហើយគោលបំណងជិះម៉ូតូទៅផ្ទះនៅម្តុំកំពុងដរស្វាយជ្រុំ ដោយសារតែស្រវឹងខ្លាំងពេកបានងោកមួយភាំងជ្រុលទៅបុកខឿនសួនច្បារពុះចែកផ្លូវដួលសន្លប់អត់ដឹងខ្លួនតែម្តង សំណាងល្អត្រូវបានសន្តិសុខយាមនៅទីនោះមកជួយទាន់ពេលវេលា និងទូរស័ព្ទហៅរថយន្តសង្រោះបន្ទាន់ដឹកតែគាត់មិនព្រមឡើងរថយន្តទេរង់ចាំសាច់ញាតិមកទទួលវិញ ។
ក្រោយពេលកើតហេតុប្រជាពលរដ្ឋនៅកន្លែងកើតហេតុបានទំនាក់ទំនងហៅបងប្អូនសាច់
ញ្ញាតិបងប្អូនមកទទួលយកជនរងគ្រោះត្រឡប់ទៅផ្ទះវិញ ៕
ចែករំលែកព័តមាននេះ