ខេត្តសៀមរាប ៖ សេចក្តីរាយការណ៍បឋមឱ្យដឹងថា ស្ត្រីដែលចាក់សម្លាប់ប្តី កាលពីព្រឹកថ្ងៃទី១៧ សីហា នេះ ត្រូវបានសមត្ថកិច្ចបញ្ជូនទៅតុលាការ ពាក់ព័ន្ធលើករណីឃាតកម្មកាលពីថ្ងៃទី១៥ សីហា…
ខេត្តសៀមរាប ៖ សេចក្តីរាយការណ៍បឋមឱ្យដឹងថា ស្ត្រីដែលចាក់សម្លាប់ប្តី កាលពីព្រឹកថ្ងៃទី១៧ សីហា នេះ ត្រូវបានសមត្ថកិច្ចបញ្ជូនទៅតុលាការ ពាក់ព័ន្ធលើករណីឃាតកម្មកាលពីថ្ងៃទី១៥ សីហា កន្លងមក ស្ថិតនៅតាមដងផ្លូវក្រួសក្រហម ក្នុងក្រុមទី១១ ភូមិធ្លកអណ្តូង សង្កាត់ស្លក្រាម ក្រុងសៀមរាប ។
សេចក្តីរាយការណ៍បន្តថា ស្ត្រីដៃដល់ជាប្រពន្ធឈ្មោះសុខ លីនី អាយុ២៦ឆ្នាំ ជាអ្នកសំអាងការនៅផ្សារជ្រាវ មានស្រុកកំណើតនៅភូមិដើមចាន់ សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ បច្ចុប្បន្នរស់នៅភូមិធ្លកអណ្តូង សង្កាត់ស្លក្រាម ក្រុងសៀមរាប មានកូនប្រុសម្នាក់ អាយុជាង៣ឆ្នាំនៅក្នុងបន្ទុក ។ ដោយឡែក ប្តីដែលស្លាប់ ឈ្មោះហ៊ឹម វណ្ណា រ៉ូ អាយុ២៧ឆ្នាំ ជាមន្ត្រីនគរបាលរដ្ឋបាលប៉ុស្តិ៍សង្កាត់គោកចក ។
ប្រភពបន្តទៀតថា អ្វីដែលធ្វើឱ្យភ្ញាក់ផ្អើលបំផុតនោះ ខណៈពេលតំណាងអយ្យការសួរនាំ បែរជាស្ត្រីរូបនេះ ឆ្លើយដោះសារនៅមុខតុលាការថា «រូបគេអត់បានចាក់សម្លាប់ប្តីរបស់ខ្លួនទេ» ។
ប្រភពឱ្យដឹងទៀតថា ស្ត្រីចាក់សម្លាប់ប្តីដែលជាមន្ត្រីនគរបាលប៉ុស្តិ៍គោកចកស្លាប់នេះ គឺដំបូងផ្តើមចេញរឿងប្រចណ្ឌ «ប្តីមានស្រី» និងមានទំនាស់ក្នុងគ្រួសារជាយូរខែមកហើយ ទើបឈានដល់បែបនេះ ។
ទាក់ទិនករណីនេះដែរ ក៏ត្រូវបានពលរដ្ឋដែលទៅមើលនៅមុខតុលាការខេត្តបាននិយាយតៗគ្នាថា ចំពោះរឿងឃាតកម្មចាក់សម្លាប់ប៉ូលិសដែលត្រូវជាប្តីនេះ អាចមិនមែនស្ត្រីរូបនេះធ្វើតែម្នាក់ឯងទៅរួចទេ ។ បើមិនមានអ្នកជួយក្រៅពីសាច់ញាតិ ឬមិត្តភក្តិចាប់២ទៅ៣នាក់ទេនោះ ក៏មិនអាចចាក់សម្លាប់រហូតដល់ទៅ១០កាំបិតបានដែរ ។
គួររំលឹកថា៖ រឿងហេតុដែលប្រពន្ធចាក់ប្តី១០កាំបិតនៅមុខកូនប្រុសទាំងកំរោលនេះ…
ចែករំលែកព័តមាននេះ