ទីបំផុត! កឹម សុខ ត្រូវបានដោះលែងហើយ
- ភ្នំពេញ
រាជធានីភ្នំពេញ ៖ លោក គឹម សុខ ត្រូវបានតុលាការក្រុងភ្នំពេញ នៅថ្ងៃទី១៧ ខែសីហានេះ បានដោះលែងលោក គឹម…
រាជធានីភ្នំពេញ ៖ លោក គឹម សុខ ត្រូវបានតុលាការក្រុងភ្នំពេញ នៅថ្ងៃទី១៧ ខែសីហានេះ បានដោះលែងលោក គឹម…
រាជធានីភ្នំពេញ ៖ លោក គឹម សុខ ត្រូវបានតុលាការក្រុងភ្នំពេញ នៅថ្ងៃទី១៧ ខែសីហានេះ បានដោះលែងលោក គឹម សុខ អាយុ៣៨ឆ្នាំ ដោះលែងពីពន្ធនាគារព្រៃស បន្ទាប់ពីជាប់គុក១៨ខែ ។
ចំពោះការដោះលែងនេះសម្រេចតាមសាលដីការបស់លោក រៀល សុភិន ព្រះរាជអាជ្ញារងអមសាលាដំបូងរាជធានីភ្នំពេញ និងរក្សាការអនុវត្ត ការពិន័យ៨លាន និងសងជំងឺចិត្ត សម្តេចតេជោ ហ៊ុន សែន តាមរយៈមេធាវីតំណាងលោកគីតិច ចំនួន៨០០លានរៀល ។
គួរបញ្ជាក់ថា រសៀលថ្ងៃទី១៤ ខែសីហា ឆ្នាំ២០១៨នេះ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញបានឲ្យមន្ត្រីពន្ធនាគារព្រៃសម១ នាំខ្លួនទណ្ឌិត គឹម សុខ អ្នកវិភាគនយោបាយយកមកសាកសួររឿងផ្សេងមួយទៀត តែលោកព្រះរាជអាជ្ញាមិនទាន់បានចោទប្រកាន់នៅឡើយទេ ។ បើយោងទៅតាមការសម្រេចផ្តន្ទាទោស១៨ខែ លើអ្នកវិភាគនយោបាយ គឹម សុខ គិតពីថ្ងៃចាប់ឃុំខ្លួន កាលពីថ្ងៃទី១៧ ខែកុម្ភៈ ឆ្នាំ២០១៧កន្លងមក អ្នកវិភាគនយោបាយរូបនេះជិតបានរួចផុតពីទោសហើយ គិតមកដល់ថ្ងៃទី១៧ ខែសីហា ឆ្នាំ២០១៨ខាងមុខនេះ ។ តែរសៀលនេះ គឺនាំមកសាកសួររឿងផ្សេងមួយទៀតដែលព្រះរាជអាជ្ញាមិនទាន់ចោទប្រកាន់ ។
ជនជាប់ចោទលោក គឹម សុខ ត្រូវព្រះរាជអាជ្ញារង អមសាលាដំបូងរាជធានីភ្នំពេញបានចោទប្រកាន់ពីបទ«ញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ជាសាធារណៈ តាមមាត្រា៤៩៤ មាត្រា៤៩៥ និងមាត្រា៣០៥ នៃក្រមព្រហ្មទណ្ឌ ពាក់ព័ន្ធករណីចោទប្រកាន់ថា គណបក្សប្រជាជនកម្ពុជាសម្លាប់លោក បណ្ឌិត កែម ឡី ។ ជនជាប់ចោទលោក គឹម សុខ ត្រូវបានសាលាឧទ្ធរណ៍នឹងតុលាការកំពូលបានសម្រេចតម្កល់សាដីកាទុកជាបានការដដែល ពោល គឺផ្តន្ទាទោសជនជាប់ចោទលោក គឹម សុខ ដាក់ពន្ធនាគារចំនួន១៨ខែ ពិន័យជាប្រាក់ចំនួន៨លានរៀល និងសងសំណងជំងឺចិត្តដល់សម្តេចតេជោ នាយករដ្ឋមន្ត្រីជាដើមបណ្ដឹង រដ្ឋប្បវេណីចំនួន៨០០លានរៀល ៕
ចែករំលែកព័តមាននេះ