រាជធានីភ្នំពេញ ៖ សេចក្តីរាយការណ៍បឋមឱ្យដឹងថា យុវជនម្នាក់បានសម្រេចចិត្តបញ្ចប់ជីវិតខ្លួនឯង ក្រោយពីទ្រាំនឹងការលេបថ្នាំបន្សាបគ្រឿងញៀនលែងបានតទៅទៀត បង្កការភ្ញាក់ផ្អើលកាលពីវេលា
ម៉ោង០៤ទៀបភ្លឺថ្ងៃទី១៧ សីហា នេះ ស្ថិតនៅផ្ទះក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បន្តថា ជនរងគ្រោះខាងលើ ឈ្មោះពៅ វីរៈបុត្រ អាយុ២៧ឆ្នាំ ។ បើតាមស្ត្រីជាម្តាយបានឱ្យដឹងថា កន្លងមក កូនប្រុសគាត់បានលង់ខ្លួន ដោយប្រើប្រាស់គ្រឿងញៀននាពេលកន្លងមក ។ ហើយមួយរយៈចុងក្រោយនេះ គាត់បាននិយាយឱ្យកូនឈប់ប្រើ ដោយឱ្យកូនទៅយកថ្នាំផឹកនៅមន្ទីរពេទ្យរុស្ស៊ី ដើម្បីបន្សាបគ្រឿងញៀន ។
ប្រភពបន្តថា កូនប្រុសគាត់បានយល់ព្រម ដោយយកផឹកថ្នាំបន្សាបរយៈ២-៣ថ្ងៃមកហើយ ក៏ប៉ុន្តែដោយសារអំណាចគ្រឿងញៀនខ្លាំង បានធ្វើទុក្ខបុកម្នេញរស់មិនស្រណុកពិបាកខ្លួន ដោយកូនប្រុសគាត់តែងតែត្អូញប្រាប់គាត់ថា «ចង់តែស្លាប់ទេ» ។
ប្រភពបន្តទៀតថា លុះនៅថ្ងៃកើតហេតុ គាត់ហាក់មានការបារម្ភពីកូនប្រុស (មានប្រផ្នូល) ក៏ឡើងទៅមើលកូនដេកនៅលើផ្ទះ ក៏ស្រាប់តែប្រទះកូនប្រុសបានចង.កស្លាប់បាត់ទៅហើយ ដោយគ្មានអ្នកដឹងថា កូនចង.កតាំងពីពេលណានោះទេ ។
ចែករំលែកព័តមាននេះ