យុទ្ធនាការក្តៅបង្ក្រាបបទល្មើសនេសាទខុសច្បាប់
- កំពង់ចាម
ខេត្តកំពង់ចាម ៖ រយៈពេល៣ថ្ងៃចាប់ផ្តើមពីថ្ងៃទី១៤ ដល់១៦ សីហា ២០១៨ ក្នុងយុទ្ធនាការក្តៅចុះបង្ក្រាបបទល្មើសនេសាទ ក្នុងនោះកម្លាំងចម្រុះរួមមាន នគរបាល អាវុធហត្ថ…
ខេត្តកំពង់ចាម ៖ រយៈពេល៣ថ្ងៃចាប់ផ្តើមពីថ្ងៃទី១៤ ដល់១៦ សីហា ២០១៨ ក្នុងយុទ្ធនាការក្តៅចុះបង្ក្រាបបទល្មើសនេសាទ ក្នុងនោះកម្លាំងចម្រុះរួមមាន នគរបាល អាវុធហត្ថ និងជំនាញជលផលខេត្ត ព្រមទាំងអាជ្ញាធរមូលដ្ឋាន រួមមាន កំពង់សៀម ជើងព្រៃ កោះសូទិន ដោយបានរឹបអូសបានឧបករណ៍នេសាទល្មើសច្បាប់ ជាច្រើនមានស្បៃមុងរាប់ម៉ឺនម៉ែត្រ បង្គោលរាប់ពាន់ដើម និងបានចាក់លែងកូនត្រី ទៅក្នុងបឹងធម្មជាតិរាប់រយគីឡូក្រាមផងដែរ ។
លោកអ៊ុក ណារិន នាយខណ្ឌរដ្ឋបាលជលផលខេត្ត បានឱ្យដឹងថា ដោយទទួលបានការណែនាំពីលោក
អភិបាលខេត្ត ក៏ដូចជាថ្នាក់លើនោះ លោកបានដឹកនាំមន្ត្រីក្រោមឱវាទជាច្រើននាក់កាលពីថ្ងៃទី១៤ សីហា ២០១៨ សហការជាមួយនឹងសហគមន៍នេសាទវិហារធំ ក្នុងស្រុកកំពង់សៀម ដោយបានបង្ក្រាបបទល្មើសជលផលបានចំនួន២ករណី ក្នុងនោះករណីទី១-ដុតបំផ្លាញចោល និងចាក់លែងវត្ថុតាងមានដូចជា លូស្បៃមុងចំនួន១៥មាត់ របាំងស្បៃមុងប្រវែង៧៥០ម៉ែត្រ បង្គោលចម្រឹងឫស្សីចំនួន៣៧៥ដើម និងចាក់លែងកូនត្រីទង្ងន់៤៥គីឡូក្រាម ។
លោកបានឱ្យដឹងបន្តថា ករណីទី២ត្រង់ចំណុចទួលដំរី ឃុំវិហារធំ ស្រុកកំពង់សៀម បានលូស្បៃមុង១០មាត់ របាំងស្បៃមុងប្រវែង៥០០ម៉ែត្រ បង្គោលចម្រឹងឫស្សីចំនួន២៥០ដើម ចាក់លែងកូនត្រីចំរុះទង្ងន់៣០គីឡូ
ក្រាម ។ កាលពីថ្ងៃទី១៦សីហា ២០១៨ លោកបានបន្តកិច្ចសហការជាមួយនឹងនគរបាល អាវុធហត្ថ ក្នុងស្រុកជើងព្រៃ បានបន្តបន្ទាប់ចំនួន៤ករណី ក្នុងនោះមាន ករណីទី១- លូស្បៃមុងចំនួន៦៩មាត់ របាំងស្បៃមុង៣.៤០០ម៉ែត្រ បង្គោលចង្រឹងចំនួន១.០២០ដើម លែងកូនត្រីចម្រុះទង្ងន់១៧០គីឡូក្រាម ចំណុចបឹងជ្រោយ ឃុំសូទិព្វ ស្រុកជើងព្រៃ ។
ករណីទី២- លុស្បៃមុងចំនួន៤៥មាត់ របាំងស្បៃមុងប្រវែង២.២៥០ម៉ែត្រ បង្គោលចម្រឹង៦៧៥ដើមលែង
កូនត្រីចម្រុះ១១២គីឡូក្រាម ចំនុចសៀមបោយ ឃុំព្រៃចារ ស្រុកជើងព្រៃ ។ ករណីទី៣- លូស្បៃមុងចំនួន៣៧មាត់ របាំងស្បៃមុងប្រវែង១.៨៥០ម៉ែត្រ បង្គោលចម្រឹងឫស្សចំនួន៥៥៥ដើម ចាក់លែងកូនត្រីទង្ងន់
៣៧៥គីឡូក្រាម ត្រង់ចំនុចក្រោយភូមិមហាលាភ ឃុំមហាលាភ ស្រុកកោះសូទិន ។
និងករណីទី៤-លូស្បៃមុងចំនួន៤៥មាត់ របាំងស្បៃមុងប្រវែង២.២៥០ម៉ែត្រ បង្គោលចម្រឹងឫស្សីចំនួន៦៧៥ដើម ចាក់លែងកូនត្រីចម្រុះទង្ងន់៤៥៧គីឡូក្រាម ត្រង់ចំណុចភូមិរកាកោង ឃុំមហាលាភ ស្រុកកោះសូទិន ក្នុងនាមស្ថាប័នជំនាញសូមអំពាវនាវដល់ពលរដ្ឋ កំពុងតែលួចប្រព្រឹត្តបទល្មើសនេសាទត្រីដោយប្រើប្រាស់ឧបករណ៍នេសាទល្មើសច្បាប់ មេត្តាសូមបញ្ឈប់ ហើយងាកមកប្រើប្រាស់ឧបករណ៍នេសាទលក្ខណៈគ្រួសារវិញ ៕
ចែករំលែកព័តមាននេះ