តាមក្បួនកំពូលគ្រូហោរបានអះអាងថា នៅពេលលោកអ្នកសម្រាន្តមិនលក់ស៊ប់ស្រួល ពេលនោះចិត្តរបស់យើងមិនស្ងប់ អារម្មណ៍រវើរវាយបណ្តាលឱ្យយល់សប្ដិ ហើយការយល់សប្តិនោះជួនឃើញច្បាស់ ជួនក៏មិនច្បាស់ ។ ការយល់សប្ដិក៏មានផលខ្លះដែរ មិនមែនឥតប្រយោជន៍ទាំងអស់ទេ ឧទាហរណ៍ៈ…
តាមក្បួនកំពូលគ្រូហោរបានអះអាងថា នៅពេលលោកអ្នកសម្រាន្តមិនលក់ស៊ប់ស្រួល ពេលនោះចិត្តរបស់យើងមិនស្ងប់ អារម្មណ៍រវើរវាយបណ្តាលឱ្យយល់សប្ដិ ហើយការយល់សប្តិនោះជួនឃើញច្បាស់ ជួនក៏មិនច្បាស់ ។ ការយល់សប្ដិក៏មានផលខ្លះដែរ មិនមែនឥតប្រយោជន៍ទាំងអស់ទេ ឧទាហរណ៍ៈ បើយល់សប្ដិក្នុងរឿងបុណ្យ ក៏បានបុណ្យខ្លះ តែបើយល់សប្ដិក្នុងរឿងបាប ក៏បានបាបខ្លះ គ្រាន់តែមិនច្រើនដូចអំពើដែលយើងធ្វើជាក់ស្តែង ដោយកាយ ហើយបើយល់សប្តិឃើញលាភយស យូរនិងឆាប់គង់តែបានលាភយសដូចការយល់សប្តិនោះ ។
មូលហេតុដែលនាំឲ្យមានការសុបិននោះមាន៤យ៉ាងគឺៈ
១-បណ្តាលមកពីទេវតាប្រាប់គឺប្រាប់ឲ្យធ្វើយ៉ាងនេះបានសុខ ធ្វើយ៉ាងនោះមិនបានសុខ និងមានទុក្ខជាដើម
២-រឿងរ៉ាដែលយើងធ្លាប់ឃើញ ឬធ្លាប់ឮគេដំណាល ក៏យល់សប្ដិឃើញ
៣-កម្មដែលធ្លាប់ធ្វើកាលពីជាតិកន្លងមកសម្តែងឱ្យឃើញ បើធ្វើរឿងអាក្រក់ច្រើន ក៏យល់សប្ដិឃើញរឿងអាក្រក់ តែបើធ្វើបុណ្យច្រើនក៏ឃើញសុខ សុភមង្គល។
៤-អាចបណ្តាលមកពីគ្រុនក្ដៅក៏នាំឲ្យយល់សប្ដិច្រើន
បើយល់សប្តិដូចនៅក្នុងហេតុទី២ និងទី៤មិនសូវជាពិតបុន្មានទេ ។ ចំណែកហេតុទី១ មានពិតខ្លះមិនពិតខ្លះទៅតាមទេវតាល្អ ឬទេវតាអាក្រក់ដែលមកបណ្តាលប្រាប់ ឯហេតុទី៣ដែលបណ្ដាលមកពីកម្មមកបណ្តាលទើបពិតភាគច្រើន ។ ប៉ុន្តែគួរកុំផ្សងសំណាងតាមការយល់សប្តិអី ។
ចែករំលែកព័តមាននេះ