រាជធានីភ្នំពេញ ៖ បុរសម្នាក់បានចាប់ក្មួយស្រីរបស់ខ្លួនធ្វើទារុណកម្ម រួចរំលោភម្ដងហើយម្ដងទៀត រហូតសម្រេចម្ដង បន្ទាប់មកគំរាមសម្លាប់នាងចោលបើហ៊ានប្រាប់ប្រពន្ធ ទ្រាំមិនបាននាងក៏ទៅប្តឹងសមត្ថកិច្ច ហើយចាប់ខ្លួនជនសង្ស័យ។ ការចាប់ខ្លួននោះធ្វើឡើងកាលពីព្រឹកថ្ងៃទី១៥ ខែសីហា…
រាជធានីភ្នំពេញ ៖ បុរសម្នាក់បានចាប់ក្មួយស្រីរបស់ខ្លួនធ្វើទារុណកម្ម រួចរំលោភម្ដងហើយម្ដងទៀត រហូតសម្រេចម្ដង បន្ទាប់មកគំរាមសម្លាប់នាងចោលបើហ៊ានប្រាប់ប្រពន្ធ ទ្រាំមិនបាននាងក៏ទៅប្តឹងសមត្ថកិច្ច ហើយចាប់ខ្លួនជនសង្ស័យ។ ការចាប់ខ្លួននោះធ្វើឡើងកាលពីព្រឹកថ្ងៃទី១៥ ខែសីហា ឆ្នាំ២០១៨ នៅចំណុចបន្ទប់ជួលលេខ161 ស្ថិតក្នុងខណ្ឌពោធិ៍សែនជ័យ។
ប្រភពព័ត៌មានឲ្យដឹងថា ជនសង្ស័យខាងលើឈ្មោះ អ៊ុន សំណាង អាយុ៣៩ឆ្នាំ មុខរបរកម្មកររោងចក្រ មានស្រុកកំណើតនៅឃុំទឹកហូត ស្រុករលាប្អៀរ ខេត្តកំពង់ឆ្នាំង បច្ចុប្បន្នស្នាក់នៅបន្ទប់ជួលលេខ161 ស្ថិតក្នុងខណ្ឌពោធិ៍សែនជ័យ ចំណែកនារីរងគ្រោះត្រូវជាក្មួយស្រីសាច់ថ្លៃ (ក្មួយខាងប្រពន្ធ) អាយុ១៩ឆ្នាំ។
ប្រភពដដែលបន្តថា ជនសង្ស័យធ្វើសកម្មភាពចាប់រំលោភក្មួយស្រីម្ដងហើយម្ដងទៀតចំនួន៣ដង ដោយលើកទី១ គឺនៅយប់ថ្ងៃទី៥ កុម្ភៈ ខណៈក្មួយស្រីកំពុងដេកលក់ ជននេះបានយកកន្ត្រៃលួចកាត់គូទខោរបស់នាង ដើម្បីលូកដៃទៅស្ទាបអង្អែលប្រដាប់ភេទ រួចបម្រុងចាប់រំលោភ ប៉ុន្តែដោយសារស្ត្រីជាប្រពន្ធដេកក្បែរនោះ ទើបមិនបាន ព្រោះខ្លាចប្រពន្ធដឹងមានរឿងធំកើតឡើង។
ប្រភពដដែលបន្តថា លើកទី២គឺនៅថ្ងៃទី៦ កុម្ភៈ ពេលហូបបាយថ្ងៃត្រង់ ជនសង្ស័យរូបនេះចាប់ក្មួយស្រីផ្តួលលើឥដ្ឋការ៉ូ និងរុញក្បាលនាងទៅក្រោមតុ រួចយកដៃខ្ទប់មាត់នាងរួចអុកមួយជង្គង់ចំដើមទ្រូងធ្វើឲ្យនាងចុកឆ្អល់ស្រែកលែងចេញ បន្ទាប់មកជននេះចាប់ស្រាតខោរំលោភ ប៉ុន្តែមិនសម្រេចឡើយ ដោយនាងខំរើបំរះ និងប្រវាយប្រតប់ខ្លាំងពេក ទើបជននេះឈប់ និងក្រោកដើរទៅធ្វើការបាត់។
ប្រភពបន្តទៀតថា លើកទី៣ គឺនៅថ្ងៃទី១៩ កុម្ភៈ ម៉ោងប្រហែល១១ថ្ងៃត្រង់ ជនសង្ស័យបានចាប់ក្មួយស្រីផ្តួលទៅលើឥដ្ឋការ៉ូម្ដងទៀតហើយគំរាមថា «បើព្រមតាមសម្រួល គឺមិនឈឺខ្លួនទេ តែបើស្រែកប្រយ័ត្នត្រូវមួយដៃសន្លប់» ។ បន្ទាប់ពីគំរាមបែបនេះ រួចជននេះក៏អុកនាងមួយជង្គង់ចំឆ្អឹងជំនីខាងឆ្វេងធ្វើឲ្យនាងចុកឆ្អល់យ៉ាងខ្លាំង រួចយកដៃម្ខាងចាប់សង្កត់ដៃនាងរុញផ្ទប់នឹងឥដ្ឋការ៉ូ និងដៃម្ខាងទៀតលូកខ្វេះលេងតាមចិត្ត ចំណែកនាងគ្មានលទ្ធភាពរើបម្រាស់ពីកណ្ដាប់ដៃនោះឡើយ ព្រោះត្រូវ១ជង្គង់ចុកយ៉ាងខ្លាំង លុះប្រហែលមួយនាទីក្រោយមកទើបរំលោភនាងរហូតដល់បានសម្រេចតាមបំណង។
ប្រភពខាងលើបានបន្តថា ក្រោយពីរំលោភរួច ជនសង្ស័យគំរាមក្មួយស្រីថា «បើហ៊ានតែយករឿងនេះទៅប្រាប់ប្រពន្ធអញ អញនឹងសម្លាប់ចោល»។ ពេលនោះនាងមិនហ៊ានយករឿងនេះទៅប្រាប់ម្ដាយមីងឡើយ លុះប៉ុន្មានថ្ងៃក្រោយមកដោយមានការភ័យខ្លាច នាងរងគ្រោះក៏បានចាកចេញពីផ្ទះទៅរស់នៅជាមួយអង្គការ រ។ នាងក៏បានព្យាយាមបំភ្លេចរឿងរ៉ាវដ៏ឈឺចាប់ទាំងអស់ទៅហើយ ប៉ុន្តែជាង៣ខែទៅហើយ តែជនសង្ស័យនោះនៅតែមិនព្រមឲ្យនាងរស់នៅបានសុខឡើយ។
ហើយជនខាលើតែងតែរករឿងនាងមិនឈប់ មិនតែប៉ុណ្ណោះបានផ្ញើឆាតជាសារសម្លេងផង និងជាអក្សរផង ទៅប្រាប់មិត្តភក្តិរបស់ខ្លួន (ជនសង្ស័យ) ដោយបានអួតប្រាប់គេថា ខ្លួនធ្លាប់បានដេកជាមួយនាង និងបានខ្លួនអស់ហើយ។ ទើបធ្វើឲ្យនាងមានការឈឺចាប់ និងភ័យខ្លាចយ៉ាងខ្លាំង ក៏សម្រេចចិត្តដាក់ពាក្យបណ្តឹងនៅទីបញ្ជាការដ្ឋានកងរាជអាវុធហត្ថរាជធានីភ្នំពេញ ឲ្យជួយការពារ និងឃាត់ខ្លួនជនសង្ស័យ ដើម្បីយកមកផ្តន្ទាទោសតាមច្បាប់តែម្ដង៕
ចែករំលែកព័តមាននេះ