ខេត្តស្វាយរៀង ៖ មហាជនបានរិះគន់ចំៗទៅលើលោកយូ ប៊ុន្នី អភិបាលក្រុងស្វាយរៀងថា មិនបានអើពើ និងយកភ្នែកមើលរថយន្តធុនយក្សដឹកទំនិញ ដឹកថ្ម ដឹកខ្សាច់ ដឹកអេតចាយ ដែលបានធ្វើចរាចរណ៍បំផ្លាញផ្លូវកៅស៊ូចំនួន២ខ្សែ ៖
ខ្សែទី១ ចាប់ពីផ្លូវជាតិលេខ១ ពីរង្វង់មូលរូបគោ ទៅផ្លូវជាតិលេខ១០ និងផ្លូវទី២ ចាប់ពីផ្លូវជាតិលេខ១ ត្រង់ចំណុចខាងមុខមន្ទីរពេទ្យស្រុកប្រតិបត្តិ ក្រុងស្វាយរៀង កាត់មុខផ្ទះលោកអភិបាលក្រុងឆ្ពោះទៅកាន់ផ្លូវជាតិលេខ១០ ស្ថិតនៅភូមិរូបគោ សង្កាត់ព្រៃឆ្លាក់ក្រុងស្វាយរៀង។
ខូចទាំងស្រុងទៅហើយ ។ ផ្លូវក្រាលកៅស៊ូក្លាយជា (ជង្ហុកសំបុកមាន់ និងថ្លុកក្របី) ផ្លូវដីរអិលពិបាកធ្វើដំណើរយ៉ាងខ្លាំង ចំណែកមន្ត្រីរាជការបានបង្ហើបឲ្យដឹងថា រថយន្តធុនយក្សដឹកទំនិញ ដឹកឈើគ្រឿងផ្ទះ ចូលក្នុងក្រុងដែលសាលាក្រុងស្វាយរៀង បានបិទប្រកាសមិនអនុញ្ញាតិឲ្យរថយន្តធុនធំគ្រប់ប្រភេទចរាចរណ៍ និងដឹកទំនិញចូលក្នុងក្រុងឡើយ ធ្វើឱ្យប្រកាសក្លាយជាក្រដាស់អនាម័យ។
ជាក់ស្តែងគេឃើញរថយន្តដឹកទំនិញធុនយក្សទាំងនោះ ដឹកទំនិញ និងឈើដាក់តាមដេប៉ូយ៉ាងព្រងើយ។ ហើយទាក់ទិនករណីមហាជនរិះគន់ផ្លូវខូច២ខ្សែនេះ មិនអាចទំនាក់ទំនងសុំការបំភ្លឺពីលោកយូ ប៊ុន្នី អភិបាលក្រុងបានទេ នៅថ្ងៃទី១៦ សីហានេះ៕
ចែករំលែកព័តមាននេះ