បើ Messi ឈប់មែន…អាហ្សង់ទីននឹងចាញ់រាប់ឆ្នាំ
តាមប្រភពព័ត៌មាន Soccer Laduma បានឲ្យដឹងថា អតីតកីឡាករបាល់ទាត់ក្រុមជម្រើសជាតិប៊ុលហ្គារី និងក្លិបអ្នកមានបុណ្យ Barcelona លោក Hristo Stoichkov…
តាមប្រភពព័ត៌មាន Soccer Laduma បានឲ្យដឹងថា អតីតកីឡាករបាល់ទាត់ក្រុមជម្រើសជាតិប៊ុលហ្គារី និងក្លិបអ្នកមានបុណ្យ Barcelona លោក Hristo Stoichkov…
តាមប្រភពព័ត៌មាន Soccer Laduma បានឲ្យដឹងថា អតីតកីឡាករបាល់ទាត់ក្រុមជម្រើសជាតិប៊ុលហ្គារី និងក្លិបអ្នកមានបុណ្យ Barcelona លោក Hristo Stoichkov បានលើកឡើងថា ប្រសិនបើ Messi ឈប់ពីក្រុមជម្រើសជាតិមែន នោះអាហ្សង់ទីននឹងមិនស្គាល់ពាក្យឈ្នះរាប់ឆ្នាំ ។
កាលពីថ្ងៃអង្គារ មានព័ត៌មានថា Messi ចង់ឈប់ពីក្រុមជម្រើសជាតិអាហ្សង់ទីន ព្រោះតែមានសម្ពាធខ្លាំងកាលពីប្រកួត World Cup នៅរុស្ស៊ី ។ សម្រាប់អតីតកីឡាកររបស់ក្លិបអ្នកមានបុណ្យ Stoichkov អាយុ៥២ឆ្នាំ ជឿជាក់ថា អាហ្សង់ទីននឹងកាន់តែអន់ជាងនេះ ប្រសិនបើគ្មាន Messi ។
Stoichkov ប្រាប់ព័ត៌មាន Ole ថា ៖«ប្រសិនបើ Messi ឈប់ពីអាហ្សង់ទីននៅថ្ងៃស្អែក បីឆ្នាំទៅមុខនេះអាហ្សង់ទីននឹងគ្មានស្គាល់ពាក្យថាឈ្នះទេ ។ ជាចម្បង ពួកគេត្រូវតែដឹងថា គេចង់លេងរបៀបណា ។ របៀបពឹងតែលើ Messi ម្នាក់ ឬពឹងលើកីឡាករទាំង២២នាក់?» ។
អតីតកីឡាកររូបនេះប្រាប់ទៀតថា ៖«បាល់ទាត់របស់ក្រុមជម្រើសជាតិអាហ្សង់ទីន ត្រូវតែមានទម្រង់ច្បាស់លាស់ ហើយខ្ញុំមិនទាន់ដឹងថា អ្នកដឹកនាំថ្មីចង់បានអ្វីនោះទេ ។ នេះគឺជាសំនួរធំបំផុត» ។
គួរបញ្ជាក់ផងដែរថា Messi បានស៊ុតចូល៦៥គ្រាប់ និងជួយបញ្ជូនបាល់ទាត់បញ្ចូលទីបាន៤៤ដង ក្នុងការប្រកួតទាំង១២៨ដង សម្រាប់ក្រុមជម្រើសជាតិអាហ្សង់ទីន ៕
ចែករំលែកព័តមាននេះ