ប្រទេសតួកគី-សហរដ្ឋអាមេរិក ៖ ក្រោយការបង្កើនពន្ធគយទ្វេដងលើដែកថែប និងអាល់លុយមីនីញ៉ូមតួកគី ប្រកាសដោយប្រធានាធិបតីអាមេរិកលោកដូណាល់ ត្រាំ កាលពីសប្ដាហ៍មុន និងការធ្លាក់ចុះយ៉ាងគំហុកនៃតម្លៃប្រាក់លីហ្វ្រ របស់តួកគីក្រោយការតម្លើងពន្ធនោះ ប្រទេសតួកគី…
ប្រទេសតួកគី-សហរដ្ឋអាមេរិក ៖ ក្រោយការបង្កើនពន្ធគយទ្វេដងលើដែកថែប និងអាល់លុយមីនីញ៉ូមតួកគី ប្រកាសដោយប្រធានាធិបតីអាមេរិកលោកដូណាល់ ត្រាំ កាលពីសប្ដាហ៍មុន និងការធ្លាក់ចុះយ៉ាងគំហុកនៃតម្លៃប្រាក់លីហ្វ្រ របស់តួកគីក្រោយការតម្លើងពន្ធនោះ ប្រទេសតួកគី បានសន្យាសងសឹងវិញ។
ក្រោយប្រកាសពីការធ្វើពហិការចំពោះបណ្ដាផលិតផលអេឡិចត្រូនិកអាមេរិកពីថ្ងៃទី ១៤ សីហាមក ក្រុងអង់ការ៉ា នាថ្ងៃទី១៥ សីហា បានបង្កើនពន្ធគយយ៉ាងខ្ពស់លើផលិតផលអាមេរិកជាច្រើន។
ទន្ទឹមនឹងនេះដែរ តួកគីប៉ុនប៉ងខិតចូលជិតសហភាពអឺរ៉ុប ដោយបង្ហាញពីទឹកចិត្តដោះលែងប្រធានអង្គការ AMNESTY INTERNATIONALនៅតួកគី។ បារី ស្រា រថយន្តអាមេរិកត្រូវតម្លើងពន្ធខ្ពស់។ ក្នុងចំណោមផលិតផលអាមេរិករងការតម្លើងពន្ធរបស់តួកគីមាន រថយន្តទេសចរណ៍ដែលតារាងពន្ធចាប់ពីពេលនេះទៅឡើងដល់១២០% ភេសជ្ជៈមានជាតិស្រាមួយចំនួនយកពន្ធដល់១៤០% ថ្នាំជក់៦០% ក៏ដូចជាអង្ករព្រមទាំងគ្រឿងតុបតែងខ្លួន។
យោងតាមរដ្ឋមន្ត្រីពាណិជ្ជកម្មតួកគីលោកស្រី RUHSAR PEKCAN ថា ទឹកប្រាក់នៃការតម្លើងពន្ធថ្មីប្រកាសនាថ្ងៃទី១៥ សីហា មានដល់ទៅ៥៣៣លានដុល្លារ។ អនុប្រធានាធិបតីតួកគីលោក FUAT OKTAY បញ្ជាក់ថា នោះជាសកម្មភាពសងសឹកប្រឆាំងការវាយប្រហារដោយចំហរបស់រដ្ឋការអាមេរិក។
ប្រធានាធិបតីតួកគីលោករីស៊ីបតៃយីបអ័រដូហ្គាន បានទទួលព្រះចៅអេមៀរកាតាCHEIKH TAMIM BEN HAMAD AL THANI ដែលសន្យាបោះទុនវិនិយោគដល់ទៅ១៥ពាន់លានដុល្លារនៅតួកគី។ ទឹកប្រាក់ទាំងនេះភាគច្រើននឹងប្រើប្រាស់សម្រាប់ជួយទ្រទ្រង់ដល់ផ្នែកធនាគារ និងទីផ្សារហិរញ្ញវត្ថុ។ ផែនការវិនិយោគនេះត្រូវបានប្រកាស ក្រោយការជួបគ្នារវាងអេមៀរកាតា និងប្រធានាធិបតីតួកគី ខណៈប្រាក់លីហ្វ្រតួកគីថ្លាក់ថ្លៃខ្លាំង ដល់ជិត៤០%ទល់នឹងប្រាក់ដុល្លារ។ ក្រោយការប្រកាសពីការបោះទុនវិនិយោគយ៉ាងច្រើននេះរបស់កាតា ប្រាក់លីហ្វ្រតួកគីឡើងថ្លៃវិញស្រឺតៗ៕
ចែករំលែកព័តមាននេះ