BBC កាលពីពេលថ្មីៗកន្លងមកផ្សាយថា ប៉ូលិសនៅកោះស៊ូឡាវេស៊ី បានជួយស្ត្រីអាយុ២៨ឆ្នាំម្នាក់ដោយបង្ខាំងនៅក្នុងល្អាងរយៈពេលយូរដល់ទៅ១៥ឆ្នាំ ក្លាយជាទាសករផ្លូវភេទរបស់គ្រូខ្មោចម្នាក់អាយុ៨៣ឆ្នាំ ។ គ្រូខ្មោចនោះឈ្មោះចាហ្គោ បានអួតអាងថា គេចេះប្រើមន្តអាគម ហើយគេបានចាប់ក្មេងស្រីអាយុ១៣ឆ្នាំម្នាក់…
BBC កាលពីពេលថ្មីៗកន្លងមកផ្សាយថា ប៉ូលិសនៅកោះស៊ូឡាវេស៊ី បានជួយស្ត្រីអាយុ២៨ឆ្នាំម្នាក់ដោយបង្ខាំងនៅក្នុងល្អាងរយៈពេលយូរដល់ទៅ១៥ឆ្នាំ ក្លាយជាទាសករផ្លូវភេទរបស់គ្រូខ្មោចម្នាក់អាយុ៨៣ឆ្នាំ ។
គ្រូខ្មោចនោះឈ្មោះចាហ្គោ បានអួតអាងថា គេចេះប្រើមន្តអាគម ហើយគេបានចាប់ក្មេងស្រីអាយុ១៣ឆ្នាំម្នាក់ យកទៅបញ្ចូលមន្តអាគម ដោយនិយាយថា នាងមានខ្មោចសណ្ឋិត និងនៅចាំឃ្លាំមើលនៅគ្រប់ពេល ធ្វើឲ្យនាងមិនហ៊ានចាកចេញទៅណាអស់រយៈពេល១៥ឆ្នាំ ។
ប៉ូលិសឲ្យដឹងថា គ្រូខ្មោចនោះស្គាល់ក្មេងស្រីរងគ្រោះ ខណៈពេលក្រុមគ្រួសាររបស់នាងនាំទៅព្យាបាលជំងឺ ហើយមិនយូរប៉ុន្មាននាងក៏បាត់ខ្លួន ។ មនុស្សក្នុងក្រុមគ្រួសារព្យាយាមតាមរក តែមិនឃើញក៏ប្ដឹងប៉ូលិស ។ ក្រោយមកប៉ូលិសប្រទះឃើញនៅក្នុងល្អាង គឺជាក្មេងស្រីដែលបានបាត់ខ្លួនកាលពី១៥ឆ្នាំមុន ។
កន្លងមកគ្រូខ្មោចតែងតែនាំក្មេងស្រីនោះចេញពីល្អាងទៅផ្ទះរបស់ខ្លួននៅក្បែរនោះ រួចក៏នាំនាងទៅល្អាងវិញនៅពេលថ្ងៃ ដោយប្រព្រឹត្តបែបនេះអស់រយៈពេល១៥ឆ្នាំ ។ លោកចាហ្គោ បានទទួលការចោទប្រកាន់ថា រួមរ័កជាមួយអនីតិជន និងចាប់ពង្រត់ អាចជាប់គុករយៈពេល១៥ឆ្នាំ ៕
ចែករំលែកព័តមាននេះ