រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា រដ្ឋបាលសាលារាជធានីភ្នំពេញ នៅតែបន្តចូលរួមផ្សព្វផ្សាយ អំពីផលប៉ះពាល់ដោយសារផលិតផលថ្នាំជក់ជាបន្តទៀត ដោយសារថ្នាំជក់ ឬក៏ផ្សែងបារី បានធ្វើឱ្យប៉ះពាល់ដល់សុខភាពសាធារណៈ។ ក្នុងជំនួបពិភាក្សាការងារ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា រដ្ឋបាលសាលារាជធានីភ្នំពេញ នៅតែបន្តចូលរួមផ្សព្វផ្សាយ អំពីផលប៉ះពាល់ដោយសារផលិតផលថ្នាំជក់ជាបន្តទៀត ដោយសារថ្នាំជក់ ឬក៏ផ្សែងបារី បានធ្វើឱ្យប៉ះពាល់ដល់សុខភាពសាធារណៈ។
ក្នុងជំនួបពិភាក្សាការងារ ជាមួយអ្នកនាំពាក្យប្រធានាធិបតីប្រទេសហ្វីលីពីន កាលពីល្ងាចថ្ងៃទី ១៥ សីហា លោក ឃួង ស្រេង អភិបាលរាជធានីភ្នំពេញ បានមានប្រសាសន៍ថា រដ្ឋបាលសាលារាជធានី នៅតែបន្តផ្សព្វផ្សាយពីផលប៉ះពាល់ដោយសារថ្នាំជក់ជាបន្តទៀត ដោយបច្ចុប្បន្ន ពិសេសប្រជាពលរដ្ឋនៅរាជធានីភ្នំពេញមានចំនួនជិត៣លាននាក់ នាពេលបច្ចុប្បន្ន។
លោកបានបន្តថា ផលប៉ះពាល់ដោយសារថ្នាំជក់ និងផ្សែងបារីនេះ លោកនឹងជំរុញឲ្យអាជ្ញាធរខណ្ឌទាំង១២ និងសង្កាត់ទាំង១០៥ ក្នុងរាជធានីភ្នំពេញបន្តផ្សព្វផ្សាយឲ្យបានទូលំទូលាយ ទៅដល់ប្រជាពលរដ្ឋក្នុងមូលដ្ឋាន ក៏ដូចជាមហាជនទូទៅឲ្យបានយល់ដឹងច្បាស់ពីបញ្ហាផលប៉ះពាល់សុខភាពដោយការជក់បារី និងការស្រូបផ្សែងបារីពីគេ។
លោកអភិបាលបានលើកឡើងថា ប្រទេសកម្ពុជាបានចូលជាសមាជិកសន្ធិសញ្ញារបស់អង្គការសុខភាពពិភពលោក(WHO) ដើម្បីប្រយុទ្ធប្រឆាំងនឹងឧស្សាហកម្មថ្នាំជក់ ដូច្នេះកម្ពុជាបន្តជំរុញ នៃយុទ្ធនាការនេះឱ្យមានប្រសិទ្ធភាពខ្ពស់។ ជាទិសដៅរដ្ឋបាលសាលារាជធានីភ្នំពេញនឹងជំរុញការអនុវត្តបរិស្ថានគ្មានផ្សែងបារីនៅតាមបណ្តាខណ្ឌបញ្ជ្រៀបកិច្ចការងារនេះជូនប្រជាពលរដ្ឋរបស់យើង ក្នុងនោះក៏យើងរៀបចំនូវផែនការបញ្ជ្រៀប ការយល់ដឹងអំពីគ្រោះថ្នាក់នៃគ្រឿងញៀនដល់ប្រជាពលរដ្ឋយើង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ