ខេត្តកំពត ៖ ផ្ទះពីរខ្នងប្រក់ក្បឿងក្បាច់បាំងជញ្ជាំងក្ដារយ៉ាងល្អប្រណិតមួយនៅជនបទស្ថិតនៅភូមិកន្លង់ ឃុំស្ដេចគង់ខាងជើង ស្រុកបន្ទាយមាស ។ បើតាមការអោយដឹងពីស្ត្រីម្នាក់ឈ្មោះ អ៊ូច សារេត អាយុ៥២ឆ្នាំ នៅភូមិកន្លង បាននិយាយប្រាប់អោយដឹងថា គាត់ជាម្ដាយម្ចាស់ផ្ទះនេះដែលមានកូនប្រសាស្រីឈ្មោះ នឹម រស្មី អាយុ២៨ឆ្នាំ និងឈ្មោះ អ៊ុយ យ៉េត អាយុ៣២ឆ្នាំ ជាកូនប្រុសគាត់ ។
ទាំងពីនាក់ប្ដីប្រពន្ធនេះគាត់ជាម្តាយបានជួយធានាផ្ដិតមេដាយ និងប្រគល់ប្លង់ដីស្រែចំនួន៣កន្លែងទៅអោយធនាគាឯកជនមួយ ទឹកប្រាក់ដែលគាត់ជាម្ដាយជួយធានាចងការប្រាក់នោះ១ម៉ឺន៣ពាន់ដុល្លារជួយអោយកូនទិញម៉ាស៊ីនច្រូត ។
ជាការអកុសលកូនប្រុសរបស់គាត់ឈ្មោះ អ៊ុយ យ៉េត បានទៅស៊ីឈ្នូលច្រូតនៅខេត្តកំពង់ស្ពីបានខ្យល់.គស្លាប់កាលពីដើមឆ្នាំ២០១៨នេះ តែមិនបានប៉ុន្មានខែផងកូនប្រសាស្រីគេបានយកប្ដីទៀតថែមទាំងបានគេចខ្លួនមិនព្រមជួយសង់បំណុលអង្គការទេ ទុកអោយគាត់ម្ដាយក្មេកជាអ្នកសងបំណុលអង្គការរាល់ខែ ។
ស្ត្រីចំណាស់រូបនេះបាននិយាយប្រាប់បន្តថា ដោយសាតែកូនប្រសាស្រីយកម៉ាស៊ីនច្រូតស្រូវយកទៅលាក់ទុក ថែមទាំងមិនជួយសង់បំណុលគាត់អត់លទ្ធភាពបង់បំណុលក៏ផ្ដើមគំនិតរុះផ្ទះកូនប្រសាស្រីឈ្មោះ នឹម រស្មី នោះយកមកសង់បំណុលធនាគា គ្រាន់តែចាប់រុះ៣ដងហើយមិនបានសម្រេច ព្រោះមានអង្គការឯកជនមួយទៀតមករារាំងរួមទាំងកម្លាំងនគរបាលប៉ុស្តិ៍ស្ដេចគង់ខាងជើង ។
ស្ត្រីរូបនោះបានសំណូមពរអោយអាជ្ញាធរជួយដោះស្រាយផងហើយចោទប្រកាន់ថា អាជ្ញាធរមិនយកចិត្តទុកដាក់ក្នុងរឿងគាត់ តើទុកអោយគ្រួសាគាត់គេមករឹបអូសទ្រព្យសម្បត្តិអស់រលីងពីផ្ទះ តើអោយគាត់ទៅពឹងនរណា?
លោក អ៊ូ គឹន ប្រធានឃុំស្ដេចគង់ខាងជើងបានប្រាប់អោយដឹងថា រឿងផ្ទះពីខ្នងដែលមានម្ដាយក្មេក និងកូនប្រសាស្រីមានរឿងពាក់ព័ន្ធវែងឆ្ងាយណាស់ ។ លោក អ៊ូ គឹន និយាយថាគ្រួសារម្ចាស់ផ្ទះដែលបានស្លាប់ប្ដីនេះ គឺម្ដាយក្មេកបានជួយចងការលុយពីធនាគា តែកូនប្រសារ និងកូនប្រុសដែលបានស្លាប់នោះបានចងការប្រាក់ពីធនាគាផ្សេងមួយទៀត ហើយស្ត្រីជាកូនប្រសារម្ចាស់ផ្ទះនោះក៏មិនបានចូលខ្លួនមកដោះស្រាយដែរ ៕
ចែករំលែកព័តមាននេះ