ប្រជាជនក្នុងភូមិមួយនៅទ្វីបអាហ្វ្រិកភិតភ័យយ៉ាងខ្លាំង ព្រោះសុខៗមានតោមកពីណាក្រវែលខាំស៊ីមនុស្សក្នុងភូមិរាល់យប់ ។ ហេតុនេះ លោកប្រធានភូមិពឹងព្រានព្រៃជនជាតិស្បែកសម្នាក់ឱ្យជួយកម្ចាត់តោចង្រៃ ។ ប៉ុន្តែព្រានព្រៃដៃឯកត្រៀមចាំប៉ុន្មានយប់អត់ឃើញតោបង្ហាញខ្លួនសោះ ។ ហេតុនេះទីបំផុតគាត់ស្នើលោកមេភូមិឱ្យសម្លាប់មេគោមួយក្បាល ដើម្បីប្រើប្រាស់ជានុយបញ្ឆោតតោឱ្យបង្ហាញខ្លួន ។ គាត់យកស្បែកមេគោគ្រលំគ្របខ្លួនដើរចូលក្នុងព្រៃ ។
ដឹងអីពាក់កណ្តាលអធ្រាត្រស្រាប់តែអ្នកស្រុកភ័យខ្លាចច្រួលច្របល់ ព្រោះឮសំឡេងព្រានព្រៃស្បែកសស្រែកហៅឱ្យជួយផង ។ អ្នកស្រុកប្រញាប់ប្រញាល់លើកគ្នាទៅទាំងភូមិ, ទៅដល់ឃើញព្រានព្រៃដៃឯកថ្ងូររហ៊ឹះដោយការឈឺចាប់ តែមិនឃើញស្លាកស្នាមសត្វតោ ។ លោកមេភូមិសួរ ៈ
– មានអ្វីកើតឡើង ? ម៉េចមិនឃើញតោ?
ព្រានព្រៃស្បែកសស្រែកវិញ ៈ
– ថ្មើរណេះទៅហើយ អាណាបើកទ្រុងលែងគោឈ្មោលចេញក្រៅ ? វាសង្គ្រប់ពាក់ខ្ញុំវីវក់ស្ទើរដាច់ខ្យល់ស្លាប់មិនឃើញទេឬ ?
ចែករំលែកព័តមាននេះ