រាជធានីភ្នំពេញ ៖ ឪពុកស្រវឹងស្រាបានជិះម៉ូតូឌុបប្រពន្ធ និងកូនប្រុសតូចបញ្ច្រាសទិសចរាចរណ៍លើស្ពានអាកាសស្ទឹងមានជ័យក្នុងល្បឿនលឿនបានជ្រុលទៅបុកនឹងរថយន្ត១គ្រឿងដែលបើកដោយបុរសម្នាក់យ៉ាងពេញទំហឹង បណ្តាលអោយអ្នកជិះម៉ូតូប្តីប្រពន្ធរងរបួសធ្ងន់ ចំណែកកូនប្រុសតូចរងរបួសស្រាល ។ ហេតុការណ៍នេះដែរបានកើតឡើងនៅវេលាម៉ោង១១និង៥០នាទីយប់ ថ្ងៃទី១៤ ខែសីហា…
រាជធានីភ្នំពេញ ៖ ឪពុកស្រវឹងស្រាបានជិះម៉ូតូឌុបប្រពន្ធ និងកូនប្រុសតូចបញ្ច្រាសទិសចរាចរណ៍លើស្ពានអាកាសស្ទឹងមានជ័យក្នុងល្បឿនលឿនបានជ្រុលទៅបុកនឹងរថយន្ត១គ្រឿងដែលបើកដោយបុរសម្នាក់យ៉ាងពេញទំហឹង បណ្តាលអោយអ្នកជិះម៉ូតូប្តីប្រពន្ធរងរបួសធ្ងន់ ចំណែកកូនប្រុសតូចរងរបួសស្រាល ។
ហេតុការណ៍នេះដែរបានកើតឡើងនៅវេលាម៉ោង១១និង៥០នាទីយប់ ថ្ងៃទី១៤ ខែសីហា ឆ្នាំ២០១៨ ចំណុចលើស្ពានអាកាសស្ទឹងមានជ័យ ផ្លូវ២៧១ សង្កាត់ស្ទឹងមានជ័យ១ ខណ្ឌមានជ័យ ។
តាមប្រភព័ត៌មានពីកន្លែងកើតហេតុបានអោយដឹងថា មុនពេលកើតហេតុគេបានឃើញប្តីប្រពន្ធ និងកូនប្រុសតូច អាយុ៣ឆ្នាំ បានជិះម៉ូតូម៉ាក់ស៊ុយសូគីនិច ពណ៌សលាយខៀវ ពាក់ស្លាកលេខ ភ្នំពេញ 1GY-9387 ចេញពីកម្មវិធីផឹកស៊ីវិញនៅផ្ទះបងប្អូន ខណៈនោះបុរសជាប្តីស្រវឹងក៏បានឌុបប្រពន្ធ និងកូនប្រុសតូច ធ្វើដំណើរតាមផ្លូវ២៧១ក្នុងទិសដៅពីជើងទៅត្បូង ឆ្លងកាត់ស្ពានអាកាសស្ទឹងមានជ័យទាំងស្ថានភាពស្រវឹង ហើយបញ្ច្រាសទិសដៅចរាចរណ៍ទៀត ។
លុះដល់ចំណុចកើតហេតុក៏ស្រាប់តែជ្រុលទៅបុកនឹងរថយន្ត១គ្រឿង ពណ៌ប្រផេះ ពាក់ស្លាកលេខ ភ្នំពេញ 2AC-2997 បើកដោយបុរសម្នាក់ក្នុងទិសដៅពីត្បូងទៅជើងចំពីមុខយ៉ាងពេញទំហឹងបណ្តាលអោយអ្នកជិះម៉ូតូរងរបួសធ្ងន់២នាក់ត្រូវជាប្តីប្រពន្ធ ចំណែកកូនប្រុសតូចអាយុ រងរបួសរលាត់ដៃរលាត់ជើងតិចតួច ហើយពេលនោះដែរទាំងបីនាក់ត្រូវបានដឹកតាមម៉ូតូកង់បី យកទៅសង្គ្រោះនៅមន្ទីពេទ្យ ចំណែកម៉ូតូរងការខូចខាតបាក់ខ្នងខាងមុខ ។ ដោយឡែករថយន្តវិញរងការខូចខាតបែកកាងមុខចំហៀងខាងឆ្វេង តែមិនមានគ្រោះថ្នាក់ដល់មនុស្សនោះទេ ។
ក្រោយពេលកើតហេតុមានតំណាងបងប្អូនខាងម៉ូតូបានមកធ្វើការសម្របសម្រួលគ្នាជាមួយនឹងខាងរថយន្ត ហើយពេលនោះដែរ ភាគីទាំងសងខាងគឺសុំស្មើគ្នា ដោយខាងម៉ូតូដឹងខ្លួនជាអ្នកខុស ព្រោះជិះបញ្ច្រាសទិសទៅបុករថយន្ត ៕
ចែករំលែកព័តមាននេះ