រាជធានីភ្នំពេញ ៖ ស្រីស្អាតសិចស៊ីដេននី ក្វាន់ បានប្រកាសថា នាងកំពុងមានផ្ទៃពោះជិត២ខែហើយ ។ ក្វាន់ មិនខ្លាចប្រកាសឱ្យមហាជនដឹងពីរឿងនេះទេ បើទោះបីជានាងមិនទាន់បានចូលរោងការក្តី ។
ការប្រកាសមានផ្ទៃពោះកាលពីពេល ថ្មីៗកន្លងមករបស់ដេននី ក្វាន់ ធ្វើឲ្យមានការចាប់អារម្មណ៍ខ្លាំងទាំងអ្នកនៅក្នុងពិភពសិល្បៈនិងនៅក្រៅពិភពសិល្បៈ ។ មនុស្សជាច្រើនចាត់ទុកថាដេននី ក្វាន់ ក្លាហានដែលតារាហ៊ានប្រកាសរឿងនេះដោយមិនលាក់បាំងដូចតារាមួយចំនួន ។
តាមរយៈហ្វេសប៊ុកដេននី ក្វាន់ បានឡាយវីដេអូ អំពីការបើកហាងថ្មីរបស់នាង ហើយឆ្លៀតពេលនោះក៏បានប្រកាសឱ្យដឹងថា នាងកំពុងមានផ្ទៃពោះជិត២ខែហើយ ។
បន្ទាប់ពីបានឮដេននី ក្វាន់ ប្រកាសរឿងមានផ្ទៃពោះមកធ្វើឱ្យអ្នកគាំទ្ររបស់នាងលាន់មាត់សរសើរនាងចំពោះភាពក្លាហានហ៊ានបង្ហាញរឿងពិតបែបនេះខណៈនាងមិនទាន់រៀបការ ដោយកន្លងមកគ្រាន់តែប្រកាសថាមានគូស្នេហ៍ប៉ុណ្ណោះ។ អ្នកគាំទ្របានសម្តែងការអបអរសាទរដេននី ក្វាន់ ដែលដែលមានផ្ទៃពោះនេះ ។
មិនថាកូនក្នុងផ្ទៃរបស់នាង ជាកូនស្រី ឬកូនប្រុសទេ ដេននី ក្វាន់ ថានាងសប្បាយចិត្តនឹងទទួលយកទាំងអស់ ពីព្រោះជឿថាកំណើតកូននេះធ្វើឱ្យនាងមានលាភសំណាងល្អ ។
តើនរណាជាឳពុកនៃកូនក្នុងផ្ទៃរបស់ដេននី ក្វាន់ ? ថ្វីដ្បិតតែមិនទាន់រៀបការ តែដេននី ក្វាន់ មានគូស្នេហ៍ជាបុរសថៅកែហាងលក់រថយន្ត ។ បុរសជាគូស្នេហ៍នេះកន្លងមកដេននី ក្វាន់ បានប្រកាសឲ្យមហាជនបានដឹង ។ ទោះបីជាមានមតិបង្អាប់ថាគូស្នេហ៍មិនស្រស់សង្ហាសក្តិសមនឹងរូបនាងដែលស្រស់ឆើតឆាយក្តី ដេននី ក្វាន់ ឆ្លើយតបថានាងមិនខ្វល់រឿងនេះទេ ។
ដេនី ក្វាន់ បានប្រកាសបើកសម្ពោធហាងលក់ផលិតផលថែរក្សាសម្រស់របស់ខ្លួនកាលពីថ្ងៃសុក្រ ទី១០ សីហា ២០១៨ ។ ហាងថ្មីរបស់នាងគ្រាន់តែការការតុបតែង និងតាំងបង្ហាញផលិតផល ល្បីៗផ្ដាច់មុខដែលនាងនាំចូល គឺខ្ទង់ម៉ឺនដុល្លារឯណោះ ។ នេះជាហាងបើកថ្មី បន្ទាប់ពីនាងដោះដូរពីទីតាំងចាស់ នៅម្ដុំស្ថានីយទូរទស្សន៍អាស៊ីអាគ្នេយ៍ ។ ហាងថ្មីនេះមានទ្រង់ទ្រាយធំជាងមុន ។
«Denny Beauty Cosmetic» គឺជាឈ្មោះហាងថ្មី ដែលដេននី ក្វាន់ ប្រកាសថានឹងធ្វើឲ្យក្លាយជាអាជីវកម្មផ្នែកថែរក្សាសម្រស់ទ្រង់ទ្រាយធំ ។ នាងមានគម្រោងនាំចូលផលិតផលម៉ាកល្បីៗផ្សេងទៀត ដើម្បីបង្កើនប្រាក់ចំណូល និងពង្រីកកេរ្តិ៍ឈ្មោះក្នុងពិភពជំនួញ ។ មិនតែប៉ុណ្ណោះក្វាន់ គ្រោងប្រកាសសាខាអាជីវកម្មផ្នែកសម្រស់ជាច្រើនទៀត។
ដោយឡែកបុរសជាគូស្នេហ៍របស់ដេននី ក្វាន់ មានទុនរាប់សែនដុល្លារ ពង្រីកឃ្លាំងលក់រថយន្តឲ្យក្លាយជាទីតាំងធំជាងមុន ។ ការបើកដំណើរការអាជីវកម្មលក់រថយន្តនេះស្របថ្ងៃគ្នាជាមួយដេននី ក្វាន់ ៕
ចែករំលែកព័តមាននេះ