ខេត្តបន្ទាយមានជ័យ ៖ បុរសម្នាក់បានបើកបររថយន្តកាមរី ស៊េរីចាស់កែច្នៃដាក់ទ្រុង និងដំបូលធ្វើដំណើរពីព្រំដែនមកដល់ស្រុកមង្គលបូរីក្នុងបំណងមកមើលសាច់ញាតិសំរាកព្យាបាលនៅមន្ទីរពេទ្យ ស្រាប់តែឆ្លងចរន្តឆាបឆេះបង្កឱ្យមានការភ្ញាក់ផ្អើល តែមិនបណ្តាលឱ្យមនុស្សណាម្នាក់រងគ្រោះនោះឡើយ ។ ក្នុងហេតុ ការណ៍នេះដែរបានកើតឡើងកាលពីវេលាម៉ោង២រសៀលថ្ងៃទី១៤…
ខេត្តបន្ទាយមានជ័យ ៖ បុរសម្នាក់បានបើកបររថយន្តកាមរី ស៊េរីចាស់កែច្នៃដាក់ទ្រុង និងដំបូលធ្វើដំណើរពីព្រំដែនមកដល់ស្រុកមង្គលបូរីក្នុងបំណងមកមើលសាច់ញាតិសំរាកព្យាបាលនៅមន្ទីរពេទ្យ ស្រាប់តែឆ្លងចរន្តឆាបឆេះបង្កឱ្យមានការភ្ញាក់ផ្អើល តែមិនបណ្តាលឱ្យមនុស្សណាម្នាក់រងគ្រោះនោះឡើយ ។ ក្នុងហេតុ
ការណ៍នេះដែរបានកើតឡើងកាលពីវេលាម៉ោង២រសៀលថ្ងៃទី១៤ ខែសីហា ឆ្នាំ២០១៨ នៅតាមបណ្តោយផ្លូវជាតិ៥៩ ស្ថិតភូមិរោងគោកណ្តាល ឃុំចំណោម ស្រុកមង្គលបូរី។
លោកអនុសេនីយ៍ឯក ហ៊ិន សំអាត នាយប៉ុស្តិ៍នគរបាលឃុំចំណោមបានឱ្យដឹងថា អ្នកបើកបររថយន្តខាង
លើឈ្មោះ ម៉ុក ចន្ថា ភេទប្រុស អាយុ២៩ឆ្នាំ រស់នៅភូមិចំការស្បូវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។
លោកបានបញ្ជាក់ថា តាមសម្តីម្ចាស់រថយន្ត និងជាអ្នកបើកបរបានឱ្យដឹងថា គាត់បានបើកបររថយន្តម៉ាកកាមរីកែច្នៃដាក់ទ្រុង និងដាក់ដំបូលនេះតាំងពីព្រំដែនស្រុកភ្នំព្រឹក ខេត្តបាត់ដំបង ក្នុងគោលបំណងទៅមើល និងសួរសុខទុកសាច់ញាតិកំពុងសំរាកព្យាបាលនៅមន្ទីពេទ្យមិត្តភាពកម្ពុជា-ជប៉ុនមង្គលបូរី លុះបើកបរមកដល់ចំណុចភូមិរោងគោកណ្តាល ឃុំចំណោម ស្រុកមង្គលបូរី ស្រាប់តែរថយន្តដាច់ខ្សែពាន បណ្តាលឱ្យផ្ទុះធុងទឹកឆ្លងចរន្តឆាបឆេះចេញពីម៉ាស៊ីនរថយន្តក្លាយជាអណ្តាតភ្លើងឆេះឡើងបង្កឱ្យមានការភ្ញាក់ផ្អើល និងឆោឡោឡើងតែម្តង ភ្លាមៗនោះអ្នកជិតខាងបានជួយយកទឹកមកជះពន្លត់ដែរ តែភ្លើងបានឆាបឆេះក្បាលម៉ាស៊ីន និងកាប៊ីនខាងមុខអស់ស្ទើរតែទាំងស្រុងទៅហើយ តែមិនបណ្តាលឱ្យមនុស្សណាម្នាក់រងគ្រោះថ្នាក់ឡើយ៕
ចែករំលែកព័តមាននេះ