ទីក្រុងតេហេរ៉ង់ ៖ យោងតាមភ្នាក់ងារសារព័ត៌មានរដ្ឋាភិបាល IRNA បានរាយការណ៍កាលពីថ្ងៃទី១៣ ខែសីហា ថា ប្រទេសអ៊ីរ៉ង់កំពុងតែលក់ប្រេង និងឧស្ម័នក្នុងតម្លៃទាបដល់អតិថិជននៅតំបន់អាស៊ី ខណៈប្រទេសនេះត្រៀមខ្លួនសម្រាប់ការដាក់ទណ្ឌកម្មរបស់សហរដ្ឋអាមេរិកសាជាថ្មី…
ទីក្រុងតេហេរ៉ង់ ៖ យោងតាមភ្នាក់ងារសារព័ត៌មានរដ្ឋាភិបាល IRNA បានរាយការណ៍កាលពីថ្ងៃទី១៣ ខែសីហា ថា ប្រទេសអ៊ីរ៉ង់កំពុងតែលក់ប្រេង និងឧស្ម័នក្នុងតម្លៃទាបដល់អតិថិជននៅតំបន់អាស៊ី ខណៈប្រទេសនេះត្រៀមខ្លួនសម្រាប់ការដាក់ទណ្ឌកម្មរបស់សហរដ្ឋអាមេរិកសាជាថ្មី ។
ប្រភពមួយបានប្រាប់សារព័ត៌មាននេះថា ៖«ការលក់បញ្ចុះតម្លៃស្ថិតក្នុងផ្នែកមួយនៃធម្មជាតិរបស់ទីផ្សារពិភពលោក ដែលផ្តល់ជូនដោយអ្នកនាំចេញប្រេង » ។
បើតាមសារព័ត៌មានមួយទៀតបានរាយការណ៍កាលពីថ្ងៃសុក្រថា កាលពីខែកញ្ញា ក្រុមហ៊ុនប្រេង National Iranian Oil Company បានកាត់បន្ថយតម្លៃលក់មកដល់កម្រិតទាបជាងគេ ក្នុងរយៈពេល១៤ឆ្នាំមកនេះសម្រាប់តំបន់អាស៊ី ។
ជាមួយគ្នានេះ សហរដ្ឋអាមេរិកនឹងព្យាយាមហាមឃាត់ការលក់ប្រេងរបស់ប្រទេសអ៊ីរ៉ង់ទៅកាន់ទីផ្សារអន្តរជាតិ ចាប់ពីថ្ងៃទី៥ ខែវិច្ឆិកា តទៅ នៅពេលទណ្ឌកម្មដំណាក់កាលទី២ មានប្រសិទ្ធភាព ។
អតិថិជនសំខាន់ៗជាច្រើនរួមមាន ប្រទេសចិន និងឥណ្ឌា បាននិយាយថា ពួកគេនឹងមិនកាត់បន្ថយការទិញប្រេងពីអ៊ីរ៉ង់ច្រើនទេ ។ ប៉ុន្តែអ្នកវិភាគព្យាករថា ប្រទេសអ៊ីរ៉ង់នៅតែអាចឃើញការលក់ប្រេងធ្លាក់ចុះប្រមាណ៧០ម៉ឺនធុងក្នុង១ថ្ងៃ ។
ការលក់ប្រេងរបស់អ៊ីរ៉ង់នឹងពឹងផ្អែកលើសហភាពអឺរ៉ុបយ៉ាងខ្លាំង ។ សហភាពអឺរ៉ុបបានសន្យាថា មិនធ្វើតាមការដាក់ទណ្ឌកម្មអាមេរិកទេ ប៉ុន្តែក្រុមហ៊ុន និងវិទ្យាស្ថានហិរញ្ញវត្ថុមកពីសហភាពនេះ អាចទទួលរងសម្ពាធហិរញ្ញវត្ថុពីសហរដ្ឋអាមេរិកច្រើនជាងខាងអាស៊ី ។
រីឯក្រុមហ៊ុនថាមពលយក្សរបស់បារាំង Total បាននិយាយថា ពួកគេនឹងដកខ្លួនចេញពីគម្រោងវិនិយោគរាប់ប៊ីលានដុល្លារនៅតំបន់ប្រេង South Pars ដោយសារការដាក់ទណ្ឌកម្មថ្មីនេះ ៕
ចែករំលែកព័តមាននេះ