ខេត្តមណ្ឌលគិរី ៖ កម្លាំងអាវុធហត្ថជាង៤០នាក់ដឹកនាំដោយឧត្តមសេនីយ៏ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះក្រោមបញ្ជាផ្ទាល់ពីនាយឧត្តមសេនីយ៏ សៅ សុខា បានចុះប្រតិបត្តិការរុករកឈើខុសច្បាប់នៅទឹកដីខេត្តមណ្ឌលគិរីបានរកឃើញគំនរឈើជាច្រើនទីតាំងក្នុងដែនជម្រកសត្វព្រៃភ្នំពេ្រច ដោយប្រតិបត្តិការនេះបានចាប់ផ្តើមតាំងពីថ្ងៃទី១៤ ខែសីហា ឆ្នាំ២០១៨ នៅភូមិសាស្ត្រស្រុកពេជ្រាដា ស្រុកកោះញែក នឹងស្រុកកែវសីមា ដែលសម្បូរព្រៃឈើ ។
គិតត្រឹមម៉ោង០៧និង០០នាទីព្រឹក ថ្ងៃទី១៥ ខែសីហា ឆ្នាំ២០១៨ ក្នុងរបាយការណ៏ដែលចេញដោយឧត្តមសេនីយ៏ត្រី សាន្ត ប៊ុនថាន ឲ្យដឹងថា ការបង្ក្រាបបទល្មើសអនុវត្តបទបញ្ជារបស់មេបញ្ជាការកងរាជអាវុធហត្ថលើផ្ទៃប្រទេស(អ.ហ) កម្លាំង អ.ហ ចំនួន ៤៥នាក់ រថយន្ដ១០គ្រឿង អាវុធ២៥ដើម ដឹកនាំដោយមេបញ្ជាការ អ.ហ ខេត្តក្រចេះបានចុះស្រាវជ្រាវបង្ក្រាបបទល្មើសធនធានធម្មជាតិ ក្នុងដែនជម្រកសត្វ ព្រៃភ្នំព្រិច ស្រុកកែវសីម៉ា នៅនិយាមការ (683691-1401577) ដល់និយាមការ(692503-1417324) របស់ក្រុមហ៊ុន លឹម រ៉ូយ៉ាល់ ក្នុងស្រុកពេជ្រាដា ខេត្តមណ្ឌលគិរី ។
ជាលទ្ធផលរកឃើញឈើអារជ្រុង និងឈើហុបមូលលេខ១(សុក្រំ កកោះ ស្រឡៅ) ចំនួន១០គោលដៅ ៖ ទី១-UTM(683790-1403409)=៤០ដុំ, ទី២-UTM(683927-1403806 )=១៨ដុំ, ទី៣-UTM(688138-1406572)=១៦ដុំ, ទី៤-UTM(688472-1406670)=៨ដុំ, ទី៥-UTM(689214-1407458)=៤០ដុំ, ទី៦-UTM(6906581408972)=១២ដុំ, ទី៧-UTM(691189-1415351)=៦៣ដុំ, ទី៨-UTM(692717-1416943)=៣២ដុំ, ទី៩-UTM(692763-1417276)=១៥ដុំ និងទី១០-UTM(692328-1417577)=៣៤៩ដុំ សរុបឈើទាំងអស់ចំនួន៥៩៣ដុំ ។
ជាការកត់សម្គាល់ករណីខាងលើបានកើតមានយ៉ាងគគ្រឹងគគ្រេងនៅលើទឹកដីខេត្តមណ្ឌលគិរី តែបែរជាកម្លាំងប៉េអឹមខេត្តក្រចេះជាអ្នកចុះប្រតិបត្តិការបង្ក្រាបបទល្មើសព្រៃឈើទៅវិញ ។
ទោះជាយ៉ាងណាក្រោយការបង្ក្រាបគំនរឈើជាច្រើនកន្លែងរួចមក កម្លាំងគណៈបញ្ជាការឯកភាពខេត្តមណ្ឌលគិរីទើបប្រញាប់ប្រញាល់ទៅតំបន់កើតមានបទល្មើសដូចទើបភ្ញាក់ពីដេក ៕
ចែករំលែកព័តមាននេះ