រាជធានីភ្នំពេញ ៖ ជនម្នាក់ក្នុងចំណោមបក្សពួក៣នាក់ បានត្រូវនគរបាលខណ្ឌដូនពេញចាប់ឃាត់ខ្លួន ខណៈពួកគេជិះម៉ូតូ២គ្រឿងធ្វើសកម្មភាពឆក់កាបូបពីស្ត្រីម្នាក់ ដែលកំពុងជិះឡំប្រឺតា កាលពីវេលាម៉ោង៣រសៀលថ្ងៃទី១៣ សីហា នៅតាមផ្លូវR៦(ផ្លូវរថភ្លើង) ក្នុងសង្កាត់ស្រះចក…
រាជធានីភ្នំពេញ ៖ ជនម្នាក់ក្នុងចំណោមបក្សពួក៣នាក់ បានត្រូវនគរបាលខណ្ឌដូនពេញចាប់ឃាត់ខ្លួន ខណៈពួកគេជិះម៉ូតូ២គ្រឿងធ្វើសកម្មភាពឆក់កាបូបពីស្ត្រីម្នាក់ ដែលកំពុងជិះឡំប្រឺតា កាលពីវេលាម៉ោង៣រសៀលថ្ងៃទី១៣ សីហា នៅតាមផ្លូវR៦(ផ្លូវរថភ្លើង) ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីនគរបាលបានឱ្យដឹងថា ជនដែលត្រូវបានចាប់ឃាត់ខ្លួននេះ ឈ្មោះ លីវ ម៉ុងខា អាយុ១៧ឆ្នាំ ជាសិស្ស ស្នាក់នៅផ្ទះលេខ៧ ក្នុងខណ្ឌឫស្សីកែវ ។ មុនពេលកើតហេតុ ស្ត្រីជាម្ចាស់កាបូបធ្វើដំណើរតាមឡំប្រឺតាមួយគ្រឿង តាមផ្លូវលេខ៧០ ក្នុងសង្កាត់ស្រះចក ខណ្ឌដូនពេញ ។ ខណៈទៅដល់ចំណុចខាងលើ ស្រាប់តែមានជន៥នាក់ ជិះម៉ូតូ៣គ្រឿងមកក្បែរ ហើយបក្សពួករបស់គេចំនួន២នាក់ ជិះម៉ូតូមួយគ្រឿងបានធ្វើសកម្មភាពឆក់យកកាបូបរបស់នាង ។
ប្រភពដដែលឱ្យដឹងទៀតថា ភ្លាមៗនោះ ស្ត្រីជាម្ចាស់កាបូបបានស្រែកថា «ចោរៗ» ធ្វើឱ្យមានការភ្ញាក់ផ្អើលទៅដល់អ្នកដំណើរតាមផ្លូវ ដេញចាប់បានយុវជនជាអ្នកជិះម៉ូតូបិទគូទបានម្នាក់ និងម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៨ ពាក់ផ្លាកលេខ ភ្នំពេញ១GS-៦៨៣៩ ប្រគល់ឱ្យសមត្ថ
កិច្ច ។
នៅពេលឃាត់ខ្លួន ជនសង្ស័យត្រូវបានបញ្ជូនទៅកាន់អធិការដ្ឋាននគរបាលខណ្ឌដូនពេញ ហើយជននេះបានសារភាពប្រាប់ថា «ខ្លួននិងបក្សពួក៤នាក់ទៀត ធ្លាប់ធ្វើសកម្មភាពឆក់កាបូបនិងទូរស័ព្ទចំនួន៤លើកមកហើយ និងលើកនេះទៀតជាលើកទី៥ ក៏ត្រូវចាប់បានតែម្តង» ។
ក្រោយពេលកើតហេតុ ស្ត្រីជាម្ចាស់កាបូបបានទៅដាក់ពាក្យបណ្តឹងនៅប៉ុស្តិ៍នគរបាលស្រះចក ឯសមត្ថកិច្ចកំពុងធ្វើការស្រាវជ្រាវតាមចាប់ខ្លួនបក្សពួក៤នាក់ទៀត យកមកផ្តន្ទាទោសទៅតាមច្បាប់ ៕
ចែករំលែកព័តមាននេះ