ប្រទេសអ៊ីតាលី ៖ ក្នុងគំនរបាក់បែក និងបេតុង អ្នកជួយសង្គ្រោះជាច្រើនរយនាក់បានខិតខំគាស់កកាយតាមរកអ្នកដែលអាចនៅរស់រានមានជីវិត ក្រោយការបាក់ស្ពានអាកាសមួយនាទីក្រុង GENES ប្រទេសអ៊ីតាលីកាលពីថ្ងៃទី១៤ សីហា។
រដ្ឋមន្ត្រីមហាផ្ទៃអ៊ីលីលោក MATTEO SALVINI ដែលធ្វើដំណើរទៅកាន់តំបន់ស៊ីស៊ីលនិយាយពីមនុស្សស្លាប់យ៉ាងតិច៣៥នាក់ ហើយច្រើននាក់រងរបួស។ ចំណែកអ្នកទទួលខុសត្រូវម្នាក់ខាងផ្នែកជួយសង្គ្រោះលោក EMANUELE GIFFI អះអាងប្រាប់ AFP ថា ក្ដីសង្ឃឹមរកឃើញអ្នកនៅរស់រានមានជីវិតនៅតែមាន រួចយើងបានជួយសង្គ្រោះរួចហើយមនុស្សប្រមាណជា១០នាក់ពីគំនរបាក់បែក។ ហើយយើងត្រូវធ្វើការ២៤ម៉ោងលើ២៤ម៉ោង រហូតដល់មនុស្សចុងក្រោយត្រូវបានជួយសង្គ្រោះ។
លោកបន្តថា មានអគារទាំងឡាយដែលរងការប៉ះពាល់ ប៉ុន្តែវាហាក់ដូចជាជនរងគ្រោះទាំងអស់ជាអ្នកស្ថិតនៅលើស្ពាន កម្ពស់ដល់ទៅ៤៥ម៉ែត្រ ដែលបាក់ប្រមាណជាង២០០ម៉ែត្រ។
យោងតាមពួកអ្នកជំនាញការថា ស្ពាន MORANDI នេះមានប្រវែង១,១៨គីឡូម៉ែត្រ ជាសំណង់បេតុងកសាងឡើងកាលពីដំណាច់ទសវត្សឆ្នាំ១៩៦០ ជួបប្រទះបញ្ហាគ្រឹះតាំងពីចាប់ផ្ដើមសាងសង់មកម្ល៉េះ ព្រមទាំងជាកម្មវត្ថុនៃការជួសជុលចំណាយប្រាក់យ៉ាងច្រើនទាក់ទិន ជាពិសេសដល់ស្នាមប្រេះនានា និងបេតុងពុំរឹងមាំ។
តំបន់ស្ពានអាកាសបាក់ត្រូវហ៊ុមព័ទ្ធទាំងស្រុងដោយកងកម្លាំងសន្តិសុខ ដោយឲ្យចេញចូលតែពួកអ្នកជួយសង្គ្រោះ។ ហើយខាងក្នុងតំបន់ស្ពានបាក់ពួកអ្នកជួយសង្គ្រោះខិតខំយ៉ាងសកម្មជាមួយឆ្កែកាយយកសាកសពជនរងគ្រោះចេញពីគំនរបាក់បែកផងដែរ៕ វីដេអូឃ្លីបដកស្រង់ចេញពី ៖ CityNews Toronto
ចែករំលែកព័តមាននេះ