ប៉ូលិសឥណ្ឌូនេស៊ីស្វែងយល់ និងដកបទពិសោធពីប្រព័ន្ធកាមេរ៉ាសុវត្ថិភាព
- ភ្នំពេញ
រាជធានីភ្នំពេញ ៖ ប៉ូលិសប្រទេសឥណ្ឌូនេស៊ីដឹកនាំដោយ ឧត្តមសេនីយ Chry shranda Dwilaksana ប្រធាននាយកដ្ឋាននរគបាលចរាចរឥណ្ឌូនេស៊ី នាថ្ងៃទី១៤ សីហា…
រាជធានីភ្នំពេញ ៖ ប៉ូលិសប្រទេសឥណ្ឌូនេស៊ីដឹកនាំដោយ ឧត្តមសេនីយ Chry shranda Dwilaksana ប្រធាននាយកដ្ឋាននរគបាលចរាចរឥណ្ឌូនេស៊ី នាថ្ងៃទី១៤ សីហា…
រាជធានីភ្នំពេញ ៖ ប៉ូលិសប្រទេសឥណ្ឌូនេស៊ីដឹកនាំដោយ ឧត្តមសេនីយ Chry shranda Dwilaksana ប្រធាននាយកដ្ឋាននរគបាលចរាចរឥណ្ឌូនេស៊ី នាថ្ងៃទី១៤ សីហា នេះ បានដឹកនាំមន្ត្រីរបស់ខ្លួនមក រាជធានីភ្នំពេញ ដើម្បីស្វែងយល់ និងដកបទពិសោធពីប្រព័ន្ធកាំមេរ៉ាសុវត្ថិភាពរបស់រាជធានីភ្នំពេញ។ លោក មាន ចាន់យ៉ាដា អភិបាលរងរាជធានីភ្នំពេញបានឲ្យដឹងថា ប៉ូលិសប្រទេសឥណ្ឌូនេស៊ី ដែលបានមកបំពេញទស្សនៈកិច្ច នៅរាជធានីភ្នំពេញនេះ គឺមានគោលបំណងស្វែងយល់ និងដកបទពិសោធពីប្រព័ន្ធកាមេរ៉ាសុវត្ថិភាពរបស់រាជធានីភ្នំពេញ ដោយសាររាជធានីភ្នំពេញ ការគ្រប់គ្រងចរាចរមានលក្ខណៈល្អប្រសើរដែលអាចទទួលយកបាន។
បើទោះបីហេតុការណ៍ គ្រោះថ្នាក់ចារចរនៅតែបន្តកើតមានក៏ដោយ ដោយសារតែកម្ពុជាជាប្រទេសកំពុងតែធ្វើការអភិវឌ្ឍ តែការអនុវត្តលើការងារគ្រប់គ្រងចរាចរនេះបានល្អ ជាពិសេសការគ្រប់គ្រងប្រព័ន្ធ កាមេរ៉ាសុវត្ថិភាព របស់រាជធានីភ្នំពេញ។ លោក មាន ចាន់យ៉ាដា បានបញ្ជាក់ថា ប្រព័ន្ធកាមេរ៉ាសុវត្ថិភាពរបស់ រាជធានីភ្នំពេញ មានចំនួនជាង៦០០គ្រឿង ដោយទើបតែដំណើរការបានជាងមួយឆ្នាំប៉ុណ្ណោះ ប៉ុន្តែការងារនេះយើងធ្វើបានល្អដែលអាចទទូលយកបាន។
ចំណែកឧត្តមសេនីយត្រី ចេវ ហាក់ ស្នងការរងរាជធានីភ្នំពេញ បានឲ្យដឹងថា នៅក្នុងរាជធានីភ្នំពេញមានផ្លូវប្រវែង១.៨៨៣គីឡូម៉ែត្រ មានប្រជាពលរដ្ឋរស់នៅចំនួន១លាន៦សែននាក់ តែបើគិតពីប្រជាពលរដ្ឋដែលមកស្នាក់នៅ និងរៀនសូត្រថែមទៀតនោះ ចំនួនប្រជាពលេដ្ឋដែលរស់នៅភ្នំពេញបានកើនឡើងរហូតដល់ ជាង២លាននាក់។ សម្រាប់ស្ថិតិមធ្យោបាយយាន្តយន្តវិញ នៅឆ្នាំ២០១៧ មានរថយន្តចំនួន៤៦ម៉ឺនគ្រឿង ម៉ូតូ១លាន៦សែនគ្រឿង។
សម្រាប់៨ខែ ឆ្នាំ២០១៨នេះ គ្រោះថ្នាក់ចរាចរបានកើតមានឡើង ចំនួន៤១៤ករណី បណ្តាលឲ្យមានមនុស្ស១៦៦នាក់បានស្លាប់ របួសធ្ងន់ចំនួន៤២១នាក់ របួសស្រាលចំនួន១១៩នាក់។ ចំនួននេះបើគិតជាធម្យមភាគគឺក្នុងរយៈពេល៣ថ្ងៃមានមនុស្សស្លាប់ ២នាក់។ ឧត្តមសេនីយត្រី ចេវ ហាក់ បានបញ្ជាក់ថា ដោយសារមានបញ្ហាប្រឈមគ្រោះថ្នាក់ចរាចរ នេះហើយ ទើបរដ្ឋបាលរាជធានីភ្នំពេញបង្កើតឲ្យមានប្រព័ន្ធកាមេរ៉ាសុវត្ថិភាព ដើម្បីគ្រប់គ្រងបញ្ហាចរាចរ និងទប់ស្កាត់បទល្មើសផ្សេងផងដែរ។
ពាក់ព័ន្ធនឹងបញ្ហានេះ លោក ចេវ ហាក់ ក៏បានស្នើសុំឲ្យប៉ូលិសឥណ្ឌូនេស៊ី ជួយបណ្តុះបណ្តាលធនធានមនុស្សផងដែរ ដោយសារតែប្រព័ន្ធកាមេរ៉ាសុវត្ថិភាពនេះវាអាចជួយការងារច្រើនលើបញ្ហាសន្តិសុខ៕
ចែករំលែកព័តមាននេះ