ខេត្តកណ្តាល ៖ ជនសង្ស័យម្នាក់បានធ្វើសកម្មភាពគាស់បង្អួចចូលលួចទ្រព្យសម្បត្តិ និងទូរស័ព្ទដៃ ពេលម្ចាស់ផ្ទះទៅទិញត្រីយកមកលក់ត្រូវបានម្ចាស់ផ្ទះដាក់ពាក្យបណ្តឹងអោយសមត្ថកិច្ចឃាត់ខ្លួន ។ ហេតុការណ៍នេះបានកើតឡើងនៅម៉ោង០៣និង២០នាទីរសៀល ថ្ងៃទី០៩ ខែសីហា ឆ្នាំ២០១៨…
ខេត្តកណ្តាល ៖ ជនសង្ស័យម្នាក់បានធ្វើសកម្មភាពគាស់បង្អួចចូលលួចទ្រព្យសម្បត្តិ និងទូរស័ព្ទដៃ ពេលម្ចាស់ផ្ទះទៅទិញត្រីយកមកលក់ត្រូវបានម្ចាស់ផ្ទះដាក់ពាក្យបណ្តឹងអោយសមត្ថកិច្ចឃាត់ខ្លួន ។ ហេតុការណ៍នេះបានកើតឡើងនៅម៉ោង០៣និង២០នាទីរសៀល ថ្ងៃទី០៩ ខែសីហា ឆ្នាំ២០១៨ រហូតដល់ថ្ងៃទី១៣ ខែសីហា ឆ្នាំ២០១៨ ទើបធ្វើការឃាត់ខ្លួននៅចំណុចផ្ទះជនរងគ្រោះភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល ។
ជនរងគ្រោះឈ្មោះ សេន ម៉ារី ភេទស្រី អាយុ៣៣ឆ្នាំ ជនជាតិខ្មែរឥស្លាម ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរលក់ត្រី រីឯជនសង្ស័យឈ្មោះ សា យូសុះ ភេទប្រុស អាយុ២៤ឆ្នាំ ទីលំនៅភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរមិនពិតប្រាកដ ។
ប្រភពព័ត៌មានបានអោយដឹងថា កាលពីវេលាកើតហេតុខាងលើជនរងគ្រោះបានចាក់សោរទ្វាររួចហើយក៏ធ្វើដំណើរទៅទិញត្រីនៅផ្សារព្រែកព្នៅដើម្បីយកទៅលក់បន្ត ។ លុះដល់វេលាម៉ោង៥និង៥០នាទីល្ងាចថ្ងៃខែឆ្នាំដដែល ពេលដែលជនរងគ្រោះត្រឡប់មកដល់ផ្ទះវិញ ស្រាប់តែឃើញបង្អួចចំហដោយចំរឹងបង្អួចវៀចក៏ចាក់សោរចូលទៅមើលឥវ៉ាន់ក្នុងផ្ទះ ស្រាប់តែបានបាត់ទូរស័ព្ទអស់ចំនួនពីរគ្រឿង ។
បន្ទាប់មកជនរងគ្រោះក៏បានស៊ើបសួរអ្នកជិតខាងសង្ស័យលើជនសង្ស័យខាងលើរហូតដល់ថ្ងៃទី១៣ ខែសីហា ឆ្នាំ២០១៨ ទើបជនរងគ្រោះហៅសមត្ថកិច្ចឃាត់ខ្លួនជនសង្ស័យដើម្បីធ្វើការសាកសួរ ។ នៅចំពោះមុខសមត្ថកិច្ចជនល្មើសបានឆ្លើយសារភាពថា ខ្លួនពិតជាបានធ្វើសកម្មភាពគាស់បង្អួចផ្ទះជនរងគ្រោះលួចយកទូរស័ព្ទពិតប្រាកដមែន ៕
ចែករំលែកព័តមាននេះ