ខេត្តកំពត ៖ បងថ្លៃនិងប្អូនថ្លៃបានទាស់ពាក្យសំដីគ្នារឿងដីធ្លី ដោយប្អូនថ្លៃទាញកាំបិតផ្គាក់ដេញកាប់បងថ្លៃបណ្តាលឱ្យរងរបួស ហើយប្អូនថ្លៃដែលជាជនសង្ស័យបានរត់គេចខ្លួនបាត់ ។ ហេតុការណ៍នេះបានកើតឡើងកាលពីវេលាម៉ោង៦និង១៥នាទីយប់ថ្ងៃទី៦ ខែសីហា ឆ្នាំ ២០១៨…
ខេត្តកំពត ៖ បងថ្លៃនិងប្អូនថ្លៃបានទាស់ពាក្យសំដីគ្នារឿងដីធ្លី ដោយប្អូនថ្លៃទាញកាំបិតផ្គាក់ដេញកាប់បងថ្លៃបណ្តាលឱ្យរងរបួស ហើយប្អូនថ្លៃដែលជាជនសង្ស័យបានរត់គេចខ្លួនបាត់ ។ ហេតុការណ៍នេះបានកើតឡើងកាលពីវេលាម៉ោង៦និង១៥នាទីយប់ថ្ងៃទី៦ ខែសីហា ឆ្នាំ ២០១៨ នៅចំណុចភូមិតេជោជ្រៃបាក់ ឃុំ
តេជោអភិវឌ្ឍន៍ ស្រុកឈូក ខេត្តកំពត ។
ជនរងគ្រោះដែលត្រូវជាបងថ្លៃឈ្មោះឃិន សារឿន ភេទប្រុស អាយុ៤៨ឆ្នាំ មុខរបរកសិករ ចំណែកជនសង្ស័យជាប្អូនថ្លៃឈ្មោះយូ ពៅ ហៅឆុន ភេទប្រុស អាយុ៤០ឆ្នាំ មុខរបរកសិករ ។ ទាំង២នាក់រស់នៅភូមិឃុំកើតហេតុខាងលើ ។
លោកវរសេនីយ៍ទោហែម ចាន់ដារ៉ា មេបញ្ជាការរង កងរាជអាវុធហត្ថខេត្តបានឱ្យដឹងថា មុនពេលកើតហេតុ ជនសង្ស័យដែលត្រូវជាប្អូនថ្លៃបានទាស់ពាក្យសំដីគ្នាជាមួយជនរងគ្រោះជាបងថ្លៃរឿងដីធ្លី ទើបបណ្តាលឱ្យប្អូនថ្លៃ និងបងថ្លៃជជែកគ្នាតឹងសរសៃករួចមក ធ្វើឱ្យប្អូនថ្លៃខឹងបានទៅយកកាំបិតផ្គាក់ដេញកាប់បងថ្លៃ បណ្តាលឱ្យរងរបួស ហើយរត់គេចខ្លួនបានតែប៉ុន្មានថ្ងៃក៏វិលចូលផ្ទះវិញ ។
ប្រភពដដែលបានបន្តថា លុះនៅថ្ងៃទី១១ ខែសីហា ឆ្នាំ ២០១៨ កំលាំងការិយាល័យមន្ទីរយុត្តិធម៌កងរាជអាវុធហត្ថខេត្តបានសហការជាមួយកំលាំងកងរាជអាវុធហត្ថស្នាក់ការសន្តិសុខ ៣១៧ «អូដីស» ដឹកនាំដោយលោកវរសេនីយ៍ទោ ហែម ចាន់ដារ៉ា មេបញ្ជាការរង និងជាប្រធានមន្ទីរយុត្តិធម៌កងរាជអាវុធហត្ថខេត្ត បានចុះទៅឃាត់ខ្លួនជនសង្ស័យដែលជាប្អូនថ្លៃតាមពាក្យបណ្តឹងរបស់ជនរងគ្រោះតែម្តង ។
បច្ចុប្បន្ន ជនសង្ស័យរួមនិងវត្ថុតាង ត្រូវបានការិយាល័យមន្ទីរយុត្តិធម៌កងរាជអាវុធហត្ថខេត្តកសាងសំណុំ
រឿងបញ្ជូនទៅតុលាការពីបទហិង្សាដោយចេតនា ដើម្បីចាត់ការតាមផ្លូវច្បាប់៕
ចែករំលែកព័តមាននេះ