រាជធានីភ្នំពេញ ៖ បើយោងទៅតាមការសម្រេចផ្តន្ទាទោស១៨ខែលើអ្នកវិភាគនយោបាយលោក គឹម សុខ គិតពីថ្ងៃចាប់ឃុំខ្លួនកាលពីថ្ងៃទី១៧ ខែកុម្ភៈ ឆ្នាំ២០១៧ កន្លងមក អ្នកវិភាគនយោបាយរូបនេះជិតបានរួចផុតពីទោសហើយគិតទៅដល់ថ្ងៃទី១៧…
រាជធានីភ្នំពេញ ៖ បើយោងទៅតាមការសម្រេចផ្តន្ទាទោស១៨ខែលើអ្នកវិភាគនយោបាយលោក គឹម សុខ គិតពីថ្ងៃចាប់ឃុំខ្លួនកាលពីថ្ងៃទី១៧ ខែកុម្ភៈ ឆ្នាំ២០១៧ កន្លងមក អ្នកវិភាគនយោបាយរូបនេះជិតបានរួចផុតពីទោសហើយគិតទៅដល់ថ្ងៃទី១៧ ខែសីហា ឆ្នាំ២០១៨ ខាងមុខនេះ តែគេមិនច្បាស់ទេថា ពេលណាដែលពន្ធនាគារដោះលែងជនជាប់ចោទចេញពីពន្ធនាគារនោះទេ ។
ជនជាប់ចោទ គឹម សុខ ត្រូវព្រះរាជអាជ្ញារង អមសាលាដំបូងរាជធានីភ្នំពេញបានចោទប្រកាន់ពីបទ«ញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ជាសាធារណៈ» តាមមាត្រា៤៩៤ មាត្រា៤៩៥ និងមាត្រា៣០៥ នៃក្រមព្រហ្មទណ្ឌ ពាក់ព័ន្ធករណីចោទប្រកាន់ថា គណបក្សប្រជាជនកម្ពុជា សម្លាប់លោកបណ្ឌិត កែម ឡី ។
តុលាការបានឲ្យដឹងថា ជនជាប់ចោទ គឹម សុខ ត្រូវបានសាលាឧទ្ធរណ៍ និងតុលាការកំពូលបានសម្រេចតម្កល់សាដីកាទុកជាបានការដដែល ពោលគឺផ្តន្ទាទោសជនជាប់ចោទលោក គឹម សុខ ដាក់ពន្ធនាគារចំនួន១៨ខែពិន័យជាប្រាក់ចំនួន៨លានរៀល និងសងសំណងជំងឺចិត្តដល់សម្តេចតេជោនាយករដ្ឋមន្ត្រីជាដើមបណ្ដឹងរដ្ឋប្បវេណីចំនួន៨០០លានរៀល ៕
ចែករំលែកព័តមាននេះ