ខេត្តរតនគិរី ៖ ជំនួញឈើប្រណិតដឹកតាមរថយន្តសាំយ៉ុងជាច្រើនគ្រឿងយ៉ាងគគ្រឹកគគ្រេង ទៅលក់នៅប្រទេសវៀតណាមតាមច្រកទ្វារអន្តរជាតិអូរយ៉ាដាវ ក្នុងរយៈពេល៣ថ្ងៃកន្លងមកនេះ គេសង្កេតឃើញមានរថយន្តម៉ាកខាងលើក្នុង១ថ្ងៃៗមានមិនក្រោមពី២០គ្រឿងនោះទេ បានសម្រុកដឹកឈើប្រណិតយកទៅប្រទេសវៀតណាមដោយរលូន ។
បើតាមប្រភពព័ត៌មានពីមន្ត្រីរាជការក្នុងខេត្តតូចតាចត្រូវបានឲ្យដឹងថា ក្រុមឈ្មួញធំម្នាក់ ក្នុងខេត្តមិនបានចេញមុខឲ្យគេដឹងនោះទេ បានបំបែក និងជួលរថយន្តសាំយ៉ុងចំនួនជាង២០គ្រឿង ហើយជួលឲ្យមនុស្ស២-៣នាក់រត់ការជំនួសរបស់មេឈ្នួញធំ ហើយរថយន្តទាំងនោះដឹកជញ្ជូនឈើពីតំបន់ស្រែពក និងតំបន់ស្រុកលំផាត់ដែលគេដឹងថា ជាតំបន់ដែលមានឈើសល់យ៉ាងច្រើនសន្ធឹកសន្ធប់កាប់ចេញពីតំបន់ដែនជម្រកការពារសត្វព្រៃស្រុកលំផាត់ ការពារដោយមន្ទីរបរិស្ថានខេត្ត និងមានអនុក្រឹតការពេារ ។
ពេលបច្ចុប្បន្ននេះព្រៃដែលនៅសល់ខាងលើបានត្រូវរលាយឆាប់ៗខាងមុខនេះ បើសមត្ថកិច្ចគ្រប់ជាន់ថ្នាក់មិនធ្វើការទប់ស្កាត់នោះទេ ហើយប្រភពដដែលបានបន្តទៀតថា មូលហេតុដែលដឹកជញ្ជូនឈើតាមរថយន្តសាំយ៉ុងបានយ៉ាងរលូនបែបនេះ គឺមានមេឈ្មួញជនជាតិវៀតណាមមួយរូបទម្លាក់លុយរាប់លានដុល្លារយកមកឲ្យមេឈ្មួញខ្មែរដឹក និងរត់ការជំនួស ។
បើតាមសេចក្តីរាយការណ៍ពីអ្នករត់ការដែលដឹកឈើតាមរថយន្តសាំយ៉ុងបានលួចប្រាប់សារព័ត៌មានថា ក្នុងរថយន្តសាំយ៉ុង១គ្រឿងរត់ការក្នុង១ខែអស់ជាង២ម៉ឺនដុល្លារបង់សមត្ថកិច្ចគ្រប់ជាន់ថ្នាក់ ជាក់ស្តែងសារព័ត៌មានយើងថតយករូបភាពបាននៅថ្ងៃទី១៣ ខែសីហា ឆ្នាំ២០១៨ ចាប់ពីម៉ោង៧ព្រឹក រហូតដល់ម៉ោង៤ល្ងាចមានរថយន្តសាំយ៉ុង១៨គ្រឿង បានដឹកឈើប្រណិតខុសច្បាប់ទៅប្រទេសវៀតណាមតាមច្រកទ្វារអន្តរជាតិយ៉ាងរលូន បើគិតជាមធ្យមឈើប្រណិតខុសច្បាប់ហូរចូលប្រទេសវៀតណាមមិនក្រោមពី៥០០ម៉ែត្រគូបនោះទេ ។ ច្រកទ្វារអូរយ៉ាដាវមានគយ និងគយចល័តមិនដែលចាប់បានទេ…ចាប់បានតែ… ហេ!ហេ! ៕
ចែករំលែកព័តមាននេះ