ខេត្តកណ្តាល ៖ សេចក្តីរាយការណ៍ឱ្យដឹងថា រឿងរ៉ាវស្នេហាដ៏ក្មេងខ្ចីមួយ ត្រូវបានឪពុកម្តាយទាំងសងខាងតាមបំបែក រហូតធ្វើឱ្យប្រុស-ស្រី កាន់តែស្រឡាញ់ស្អិតរមួតទៅទៀត រហូតលបលួចណាត់ជួបនិងរួមភេទគ្នាជាច្រើនដងទៀតផង ។
លុះក្រោយមក ឪពុកខាងស្រីបានតាមទាន់ ក៏ប្តឹងសមត្ថកិច្ចឱ្យចាប់ខាងប្រុសដាក់ខ្នោះ ។ ហេតុការណ៍នេះ បង្កការភ្ញាក់ផ្អើលកាលពីវេលាម៉ោង០១ និង៣០នាទីរសៀលថ្ងៃទី១៣ សីហា ស្ថិតនៅចំណុចផ្ទះលេខ១៦
«បុរីគ្រីស្តាល់» ក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ។
លោកវរសេនីយ៍ស កែវពិសិដ្ខ អធិការនគរបាលក្រុងតាខ្មៅឱ្យដឹងថា យុវជនជាប់ចោទខាងលើ ឈ្មោះភៅ សុខួច អាយុ១៨ឆ្នាំ មានទីលំនៅក្នុងភូមិចំរេីនផល សង្កាត់បឹងទំពុន ខណ្ឌមានជ័យ រាជធានីភ្នំពេញ រីឯភាគីខាងស្រី មានអាយុ១៤ឆ្នាំ មានទីលំនៅក្នុងខណ្ឌទួលគោក រាជធានីភ្នំពេញ ។
លោកបន្តថា កន្លងមក ទាំង២នាក់បានស្រឡាញ់អស់រយ:ពេលប្រហែល៥ខែហេីយ ប៉ុន្តែឪពុកម្តាយខាងស្រីមិនពេញចិត្តនោះទេ ដោយបានតាមបំបែកអ្នកទាំងពីរមិនឱ្យជួបគ្នាទៀតផង ។ ប៉ុន្តែទាំង២នាក់នៅ
អាចណាត់ជួបគ្នា និងបានរួមភេទជាច្រេីនដងមកហេីយ នៅក្នុងផ្ទះមួយកន្លែងរបស់ឪពុកម្តាយខាងស្រី ដែលទិញទុកចោល ។
លុះដល់ថ្ងៃកេីតហេតុ ត្រូវឪពុកខាងស្រីបានតាមដាន ក៏បានប្តឹងឱ្យសមត្ថកិច្ចឃាត់ខ្លួន ។ នៅចំពោះមុខសមត្ថកិច្ច យុវជនជាប់ចោទបានសារភាពថា «ខ្លួនពិតជាបានស្រឡាញ់គ្នា និងបានរួមភេទជាមួយក្មេងស្រីពិតប្រាកដមែន» ។
ចែករំលែកព័តមាននេះ