តាមប្រភពព័ត៌មាន Soccer Laduma បានឲ្យដឹងថា កាពីទែនក្រុមថ្មីរបស់ក្លិបអ្នកមានបុណ្យ Barcelona កីឡាករ Lionel Messi បានឈ្នះពានទី៣៣របស់ខ្លួនកាលពីថ្ងៃអាទិត្យ ដែលធ្វើឲ្យរូបគេក្លាយទៅជាកីឡាករឈ្នះពានច្រើនជាងគេនៅប្រវត្តិសាស្ត្រ Barcelona ។
នេះគឺជាលើកទីមួយដែល Messi បានឈ្នះពានក្នុងនាមជាកាពីទែនប្រចាំក្រុម ដោយឈ្នះក្លិប Sevilla ជាមួយនឹងលទ្ធផល ២-១ ក្នុងការប្រកួត Supercopa de Espana ក្រោយការចាកចេញរបស់អតីតកាពីទែន Andres Iniesta ។
កាលពី Iniesta នៅលេងឲ្យ Barca ពួកគេទាំងពីរនាក់បានឈ្នះពានស្មើគ្នាចំនួន៣២ពាន តែពេលនេះ Messi ក្លាយទៅជាកីឡាករដែលបានឈ្នះពានច្រើនជាងគេហើយសម្រាប់ Barcelona ។ ម្យ៉ាងវិញទៀត គេអាចនិយាយបានថា នេះគឺជាលើកទីមួយដែល Messi ឈ្នះពាន ដោយមិនមានវត្តមានមិត្តសម្លាញ់ Iniesta នៅក្នុងក្រុមជាមួយគ្នា ៕
ចែករំលែកព័តមាននេះ