តាមប្រភពពី Metro បានឱ្យដឹងថា កម្មករសំណង់ម្នាក់ខឹងនឹងម្ចាស់ផ្ទះមិនព្រមឱ្យលុយ ពេលសង់ផ្ទះរួច ក៏បានវាយកម្ទេចផ្ទះចោលវិញ ជាការរួចគ្នា។
បុរសចិត្តខ្លាំង Daniel Neagu អាយុ៣០ឆ្នាំ ដែលជាកម្មករសំណង់សងផ្ទះនៅ Buntingford ក្នុងតំបន់ Hertfordshire អង់គ្លេស បានវាយឲ្យខ្ទេចផ្ទះដែលខ្លួនសង់រួច ក្រោយដឹងថាម្ចាស់ផ្ទះមិនព្រមឲ្យលុយភ្លាមៗ។
សាក្សីដែលបានឃើញហេតុការណ៍នេះ បានប្រាប់ថា គាត់ឃើញ Neagu សើចសប្បាយ ហើយលើកទូរស័ព្ទថតរូបផ្ទះ ដែលខ្លួនវាយកម្ទេចរួច ដែលមានតម្លៃស្មើ ២.៥លានផោន។
ពេលប៉ូលីសមកដល់ គេក៏បានដាក់ខ្នោះ ហើយសាកសួរ ។ បុរសកម្មករ បានប្រាប់ប៉ូលីសថា នេះមកពីម្ចាស់ផ្ទះមិនព្រមទាន់ឲ្យលុយ។ ចំណែកឯកម្មករផ្សេងទៀត ដែលមិនដឹងរឿង មិនពេញចិត្តទាល់តែសោះ ចំពោះទង្វើបែបនេះ ដោយសារតែវាធ្វើឲ្យខូចប្រយោជន៍ដល់កម្មករដទៃទៀត ដែលបានខំសាងសង់។
ខាងប៉ូលិសកំពុងតែប្រមូលយកព័ត៌មានឲ្យបានគ្រប់ជ្រុងជ្រោយ ហើយនឹងបញ្ជូនបុរសជនដៃដល់ទៅតុលាការ ដើម្បីដោះស្រាយបញ្ហាជាមួយនឹងម្ចាស់ផ្ទះ ៕
ចែករំលែកព័តមាននេះ