ខេត្តតាកែវ ៖ ករណីគ្រោះថ្នាក់ចរាចរណ៍មួយកើតឡើងរវាងរថយន្តបុកជាមួយនឹងម៉ូតូក្នុងទិសដៅបញ្ច្រាសគ្នា បណ្តាលឱ្យបុរសម្នាក់រងរបួសធ្ងន់ ។ ហេតុការណ៍នេះបានកើតឡើងកាលពីវេលាម៉ោង៣និង១០នាទីរសៀលថ្ងៃទី១៣ ខែសីហា ឆ្នាំ២០១៨ ស្ថិតនៅលើផ្លូវលំក្រួសក្រហម ក្នុងភូមិអង្គរនាប ឃុំត្រាំកក់ ស្រុកត្រាំកក់ ខេត្តតាកែវ ។
ម៉ូតូមួយគ្រឿងខាងលើម៉ាកហុងដាឌ្រីម ធុនC125 ពណ៌ខ្មៅ ពាក់ស្លាកលេខ ភ្នំពេញ ១FT-០០២៧ បើក
បរដោយឈ្មោះចាប គង់ ភេទប្រុស អាយុ២៩ឆ្នាំ ជាមន្ត្រីឥណទាន នៅឃុំទ្រា ស្រុកសំរោង ខេត្តតា
កែវ បានរងរបួសធ្ងន់ ។ ចំណែករថយន្តម៉ាកឡិចស៊ីស RX300 ពណ៌ប្រផេះ ពាក់ស្លាកលេខ តាកែវ ២A-៨៥៨៦ បើកបរដោយឈ្មោះហង់ វ៉ឹង ភេទប្រុស អាយុ៤៨ឆ្នាំ ជាមន្ត្រីធ្វើការនៅមន្ទីរសេដ្ឋកិច្ចនិងហិរញ្ញវត្ថុខេត្ត នៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវ មិនមានរងរបួសនោះទេ ។
លោកជាល សុផាត នាយការិយាល័យចរាចរណ៍ផ្លូវគោកខេត្តបានឱ្យដឹងថា មុនពេលកើតហេតុ មានរថ
យន្តមួយគ្រឿងម៉ាកឡិចស៊ីសRX300 បើកបរដោយបុរសដែលធ្វើដំណើរមកពីទិសខាងត្បូង លុះមកដល់ចំណុចកើតហេតុខាងលើក៏បានបុកជាមួយម៉ូតូមួយគ្រឿងម៉ាកហុងដាឌ្រីម ដែលបើកបរដោយបុរសម្នាក់ ធ្វើដំណើរមកពីទិសខាងជើង បណ្តាលឱ្យអ្នកបើកបរម៉ូតូរងរបួសធ្ងន់ ភ្លាមនោះជនរងគ្រោះត្រូវបានដឹកទៅសង្គ្រោះនៅមន្ទីរពេទ្យបង្អែកក្រុងដូនកែវ ។
ក្រោយពេលកើតហេតុ សមត្ថកិច្ចក៏បានចុះមកពិនិត្យ និងវាស់វែងនៅកន្លែងកើតហេតុ ហើយបាននាំយកទាំងរថយន្តនិងម៉ូតូមករក្សាទុកនៅអធិការដ្ឋាននគរបាលស្រុកត្រាំកក់ដើម្បីដោះស្រាយគ្នានៅពេលក្រោយ ៕
ចែករំលែកព័តមាននេះ