ខេត្តកោះកុង ៖ ភ្លើងប្រចណ្ឌបានធ្វើឲ្យគូស្រករវ័យក្មេង ប្តីជាប់គុកប្រពន្ធចូលពេទ្យ ដែលប្តីបានប្រើអំពើហិង្សាយកដងឡាបម៉ាស៊ីនទូក ចាក់គូទប្រពន្ធពីក្រោយធ្លាយទៅមុខ បណ្តាលឲ្យរងរបួសធ្ងន់ ។ ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃទី១២…
ខេត្តកោះកុង ៖ ភ្លើងប្រចណ្ឌបានធ្វើឲ្យគូស្រករវ័យក្មេង ប្តីជាប់គុកប្រពន្ធចូលពេទ្យ ដែលប្តីបានប្រើអំពើហិង្សាយកដងឡាបម៉ាស៊ីនទូក ចាក់គូទប្រពន្ធពីក្រោយធ្លាយទៅមុខ បណ្តាលឲ្យរងរបួសធ្ងន់ ។ ហេតុការណ៍នេះបានកើតឡើងកាលពីវេលាម៉ោង៥ល្ងាច ថ្ងៃទី១២ សីហា នៅចំណុចព្រែកក្តូប ស្ថិតក្នុងភូមិតាចាត ឃុំទួលគគីរ ស្រុកមណ្ឌលសីមា ខេត្តកោះកុង។
ជនរងគ្រោះឈ្មោះ ឆន ពិនថង ភេទស្រី អាយុ២១ឆ្នាំ មុខរបរកម្មកររោងចក្រ(ប្រពន្ធ)។ ចំណែកជនសង្ស័យឈ្មោះ ហ៊ុល បូរិទ្ធិ ភេទប្រុស អាយុ២៧ឆ្នាំ មុខរបរជាអ្នកនេសាទសមុទ្រ (ជាប្តីត្រូវឃាត់ខ្លួន)។ តាមចម្លើយជនសង្ស័យ ក៏ដូចជាការបំភ្លឺពីជនរងគ្រោះ ប្រាប់សមត្ថកិច្ចថា រឿងរ៉ាវបណ្តាលឲ្យកើតមានអំពើហិង្សា ផ្តើមចេញពីប្រចណ្ឌ(ប្តីប្រចណ្ឌប្រពន្ធ)។
ជនរងគ្រោះបានបន្តថា ពេលប្រចណ្ឌមានការឈ្លោះប្រកែកគ្នា រួចហើយប្តីបានធ្វើសកម្មភាព យកស្នូលដងឡាប ម៉ាស៊ីនទូក ចាក់ចំគូទនាងជាប្រពន្ធពីក្រោយ បញ្ឆិតធ្លាយទៅមុខ និងដេរចំនួនបីថ្នេរ ហើយត្រូវបានសាច់ញាតិ នាំទៅព្យាបាលនៅមន្ទីរពេទ្យបង្អែកខេត្ត។ ជនសង្ស័យជាប្តីត្រូវបានសមត្ថកិច្ចឃាត់ខ្លួន និង កំពុងកសាងសំណុំរឿងតាមនីតិវិធី៕
ចែករំលែកព័តមាននេះ