ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានមានប្រសាសន៍ស្តីពីករណីបង្ក្រាបទីតាំងហាងម៉ាស្សា ដែលបង្កប់ទៅដោយបទល្មើស ប្រព្រឹត្តិអំពើសច្ចារកម្ម (ជួញដូរផ្លូវភេទខុសច្បាប់) នោះឲ្យដឹងថា កាលពីវេលាម៉ោង១០ យប់ថ្ងៃទី១២ សីហា ២០១៨ ស្ថិតនៅចំណុចហាងម៉ាស្សាយីហោ (ប៉ាយជីងហាន់កុង) ស្ថិតនៅភូមិ១ សង្កាត់៣ ក្រុង.ខេត្តព្រះសីហនុ។ កម្លាំងសមត្ថកិច្ចនគរបាលក្រុង.ខេត្តសហការណ៍ឆ្មក់ចូលបង្ក្រាបទីតាំង ហាងមាស្សាមួយកន្លែង ដែលបង្កប់ទៅដោយអំពើសច្ចារកម្ម និងបានធ្វើការឃាត់ខ្លួនជនជាតិចិន៧នាក់។
កិច្ចបង្ក្រាបនោះក្រោមការដឹកនាំ និងសម្របសម្រួលពីសំណាក់លោក កៀង សុន្ទរោ ព្រះរាជអាជ្ញារង នៃអយ្យការអមសាលាដំបូងខេត្ត ដោយមានកម្លាំងជំនាញផែននគរបាលព្រហ្មទណ្ឌ សហការណ៍ជមួយកម្លាំងអន្តរាគមន៍ពិសេស និង កម្លាំងប៉ុស្តិ៍សង្កាត់លេខ៣ បានធ្វើការចុះទៅឆែកឆេរហាងម៉ាស្សាជនជាតិចិនមួយកន្លែងនោះ ដែលមានស្លាកយីហោ ប៉ាយជីងហាន់កុង ដោយបានរកជនជាតិចិនប្រុសស្រីចំនួន២៩នា ក់ (ប្រុស១៥ ស្ត្រី១៤នាក់) ។
លោកស្នងការបន្តថា បន្ទាប់ពីសមត្ថកិច្ចចុះឆែកឆេរ និងរកឃើញជនជាតិចិនទាំងអស់នោះ កម្លាំងជំនាញបានធ្វើការសាកសួរ និងឲ្យពួកគេបំភ្លឺការពិត ដើម្បីរកអ្នកពាក់ព័ន្ធ និងជនប្រព្រឹត្តបទល្មើស ក្នុងនោះឃើញថា មាននារីចំនួនទាំង១៤នាក់ ប្រកបមុខរបរបម្រើផ្លូវភេទ ហើយក៏មានភ្ញៀវចំនួន៨នាក់ ដែលទៅរកសេវាកម្មផ្លូវភេទផងដែរ។ ក្រោយពីសាកសួរសមត្ថកិច្ចបានរកឃើញ ជនសង្ស័យដែលពាក់ ព័ន្ធប្រព្រឹត្តិបទល្មើសសច្ចារកម្មតែម្តងមានចំនួន៧នាក់។
១-ឈ្មោះ CHEN ZHIMIN ភេទប្រុស អាយុ៤១ឆ្នាំ ជនជាតិចិន លិខិតឆ្លងដែនលេខៈ ED៤៧៤៧៩៣១ ស្នាក់នៅក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( ថៅកែ )។ ២-ឈ្មោះ WU XIANGYUN ភេទប្រុស អាយុ៤៨ឆ្នាំ ជនជាតិចិន លិខិតឆ្លងដែនលេខៈ ED៣៨៥៨៥៣១ ស្នាក់នៅក្រុម៨ ភូមិ១ សង្កាត់៣ ក្រុង-ខេត្តព្រះសីហនុ (អ្នកគិតលុយ)។ ៣-ឈ្មោះ XU FEI ភេទប្រុស អាយុ២៩ឆ្នាំ ជនជាតិចិន លិខិតឆ្លងដែនលេខៈ ED៥៨៥៨២៧៣ ស្នាក់នៅក្រុម៨ ភូមិ១ សង្កាត់៣ ក្រុង-ខេត្តព្រះសីហនុ (អ្នកគ្រប់គ្រងនារីនៅជាន់លើ)។
៤-ឈ្មោះ ZHUANG FEI YUN ភេទប្រុស អាយុ៣៧ឆ្នាំ ជនជាតិចិន លិខិតឆ្លងដែនលេខៈ ED៨៩១៣២៧១ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកបើកឡានជូនភ្ញៀវ)។ ៥-ឈ្មោះ CHEN GANG ភេទប្រុស អាយុ៣៥ឆ្នាំ ជនជាតិចិន ស្នាក់នៅក្រុម៨ ភូមិ១ សង្កាត់៣ ក្រុង-ខេត្តព្រះសីហនុ (អ្នកទិញឥវ៉ាន់)។ ៦-ឈ្មោះ ZHANG BING ភេទប្រុស អាយុ២៧ឆ្នាំ ជនជាតិចិន លិខិតឆ្លងដែនលេខៈ G៥៩៣៨៧៥១៩ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ ( អ្នកចែកខិតប័ណ្ណ)។ និង ៧-ឈ្មោះ SHI YOUDAN ភេទប្រុស អាយុ៣៦ឆ្នាំ ជនជាតិចិន លិខិតឆ្លងដែនលេខៈ ED៦៦៧០០៥៨ ស្នាក់នៅ ក្រុម៨ ភូមិ១ សង្កាត់៣ ក្រុង-ខេត្តព្រះសីហនុ (អ្នកចែកខិតប័ណ្ណ)។
វត្ថុតាងចាប់យកបានរួមមាន ៖ ស្រោមអនាម័យប្រើប្រាស់រួច (មានទឹកកាម) ចំនួន១, ស្រោមអនាម័យមិនទាន់ប្រើប្រាស់មួយចំនួនធំ,នាមប័ណ្ណហាងម៉ាស្សា ១០ប្រអប់,វិក្កយបត្រមួយចំនួន, ឧបករណ៍ជំនួយក្នុងការរួមភេទ (បាល់ខ្យល់ ជើងទ្រធំ ជើងទ្រតូច),ទូរស័ព្ទដៃ ១៣គ្រឿង,រួមទាំងវត្ថុតាង មួយចំនួនទៀត ដែលពាក់ព័ន្ធនឹងអាជីកម្មផ្លូវភេទ។,ចំពោះជនសង្ស័យទាំង៧នាក់ ខាងលើនេះ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរៀងបញ្ជូនទៅសាលាដំបូងខេត្តព្រះសីហនុ៕
ចែករំលែកព័តមាននេះ