រាជធានីភ្នំពេញ ៖ គណបក្សនយោបាយដែលចូលរួមប្រកួតប្រជែងការបោះឆ្នោតមានសិទ្ធិប្តឹងជំទាស់ចំពោះលទ្ធផលនៃការប្រកាសលទ្ធផលបោះឆ្នោតបណ្តោះអាសន្នបានក្នុងរយៈពេល៧២ម៉ោង ហើយមានលទ្ធខណ្ឌពីរដែល គ.ជ.ប ដោះស្រាយបណ្តឹង ។ នេះបើតាមមន្ត្រីជាន់ខ្ព ស់គណៈកម្មាធិការជាតិរៀបចំការបោះឆ្នោត (គជប) ។
លោក សោម សូរីដា អគ្គលេខាធិការរង គ.ជ.ប បានឲ្យដឹងនៅថ្ងៃទី១៣ សីហា ឆ្នាំ២០១៨ ថាគណបក្សនយោបាយទាំងអស់អាចប្តឹងទំទាស់ចំពោះលទ្ធផលបណ្តោះអាសន្នៈនៃការបោះឆ្នោតក្នុងរយៈពេល៧២ម៉ោង ក្រោយ គ.ជ.ប ប្រកាស ។ លោកបញ្ជាក់ថា«ដើម្បីប្តឹងទៅលទ្ធផលបណ្តោះអាសន្នបក្សនយោបាយត្រូវមានភស្តុតាងបញ្ជាក់អំពីភាពមិនប្រក្រតីណាមួយ ដែលប្រព្រឹត្តិឡើងដោយគណៈកម្មការរៀបចំការបោះឆ្នោត ។ អីញ្ចឹងចង់លើកឡើងថា ដោយ គណៈកម្មការការិយាល័យបោះឆ្នោត ឬដោយគណៈកម្មការឃុំសង្កាត់រៀបចំការបោះឆ្នោត ឬដោយគណៈកម្មការរាជធានីខេត្តរៀបចំការបោះឆ្នោត ឬដោយ គ.ជ.ប ។ អីញ្ចឹងគាត់ត្រូវមានឯកសារភស្តុតាងច្បាស់លាស់ពីការប្រព្រឹត្តិរបស់គណៈកម្មការទាំងនោះ ។ នេះជាធាតុផ្សំទី១ » ។
ដើម្បីដាក់ពាក្យប្តឹងជំទាស់នឹងលទ្ធផលបោះឆ្នោតដែរនោះ លោកអគ្គរង គ.ជ.ប ក៏បានគូសបញ្ជាក់ទៀតថា៖«ធាតុផ្សំទី២ គណបក្សនយោបាយត្រូវបង្ហាញអំពីការដាក់ពាក្យបណ្តឹងមិនប្រក្រតីណាមួយដែលកើតឡើងនៅការិយាល័យបោះឆ្នោតដែលគាត់ត្រូវប្តឹងទៅគណៈកម្ម ការឃុំសង្កាត់រៀបចំការបោះឆ្នោតយ៉ាងហោចណាស់១១និង៣០នាទីនៃថ្ងៃទី៣០ កក្កដា ឆ្នាំ ២០១៨ ក្រោយបោះឆ្នោតមួយថ្ងៃ ហើយបណ្តឹងត្រូវប្តឹងតរហូតមក គ.ជ.ប» ។
លោក សោម សូរីដា ក៏បានលើកឡើងបញ្ជាក់ថា លុះត្រាតែមានធាតុផ្សំទាំងពីរទើបអាចឲ្យគ.ជ.ប ពិចារណាអំពីការសម្រេចបដិសេធលទ្ធផល ឬរក្សាទុក្ខលទ្ធផល ។ ប្រសិនបើបដិសេធលទ្ធផលនោះនឹងមានឲ្យមានការបោះឆ្នោតឡើងវិញ ក្នុងរយៈពេល៨ថ្ងៃបន្ទាប់ពីថ្ងៃបដិសេធលទ្ធផល ។ ទាក់ទិននឹងការប្តឹងទាស់ចំពោះលទ្ធផលនៃការបោះឆ្នោតនេះដែរ បើតាមលោក សោម សូរីដាបានឲ្យដឹងថា រហូតមកដល់ថ្ងៃទី១៣ សីហាមានគណបក្សនយោបាយតែមួយប៉ុណ្ណោះបានដាក់ពាក្យប្តឹងមក គ.ជ.ប គឺគណបក្សយុវជនកម្ពុជាបានដាក់ពាក្យមក គ.ជ.ប ដើម្បីសុំឲ្យ គ.ជ.ប រាប់សន្លឹកឆ្នោតឡើងវិញ ។ លោកក៏បានលើកឡើងថាមាត្រា១៣១នៃច្បាប់ស្តីពីការបោះឆ្នោតជ្រើសតាំងអ្នកតំណាងរាស្ត្រអនុញ្ញាតឲ្យគណបក្សនយោបាយមានសិទ្ធិប្តឹងក្នុងរយៈពេល៧២ម៉ោង បន្ទាប់ពី គ.ជ.ប ប្រកាសលទ្ធផលបណ្តោះអាសន្ន ។ លោកថា គណបក្សនយោបាយត្រូវមានភស្តុតាងច្បាស់លាស់ផងដែរ ។
ចំពោះបណ្តឹងរបស់គណបក្សយុវជនកម្ពុជាត្រូវបានលោក សោម សូរីដាបានឲ្យដឹងថា គ.ជ.បនឹងអនុវត្តទៅតាមនីតិវិធីច្បាប់ពាក់ព័ន្ធនឹងការដាក់ និងទទួលពាក្យបណ្តឹងដែលមាននិយាយពីការប្តឹងទាស់ក្នុងរយៈពេល៧២ម៉ោង ។ ទាក់ទិននឹងការបែងចែកអាសនៈក្នុងរដ្ឋសភាវិញលោក សោម សូរីដា បានលើកឡើងថា គ.ជ.ប នឹងប្រកាសនៅពេលដែល គ.ជ.ប ប្រកាសលទ្ធផលផ្លូវការរួម ។
ផ្អែកលើកការប្រកាសលទ្ធផលបណ្តោះអាសន្នលើសម្លេងឆ្នោតគាំទ្រនោះដែរ សម្តេចតេជោ ហ៊ុន សែន ប្រធានគណបក្សប្រជាជនកម្ពុជាបានសរសេរលើបណ្តាញសង្គមហ្វេសប៊ុក សម្តេចថា កាលពីម៉ោង៧និង០០ព្រឹកមិញថ្ងៃទី១១ សីហា គ.ជ.ប បានប្រកាសលទ្ឋផលបោះឆ្នោតបណ្តោះអាសន្នដែលបង្ហាញច្បាស់ថា ចំនួនពលរដ្ឋ 6,956,900 (83.02%) បានទៅបោះ ឆ្នោតជ្រើសរើសតំណាងរបស់ខ្លួនពីគណបក្សនយោបាយដែលខ្លួនពេញចិត្តតាមបែបលទ្ធិប្រ ជាធិបតេយ្យដោយសេរី យុត្តិធម៌ និងត្រឹមត្រូវ ។ ទន្ទឹមនឹងនេះ គឺសម្លេងឆ្នោតគាំទ្រគណបក្ស ប្រជាជនបាននាំមុខយ៉ាងច្រើនលើសលប់បំផុតដែលមានចំនួន 4,889,113 សម្លេង ។ សម្តេចបន្តថា ការប្រកាសលទ្ធផលនៃចំនួនអាសនៈដែលទទួលបាន គឺ គ.ជ.ប គ្រោងនឹង ប្រកាសនៅថ្ងៃទី១៥ សីហា ២០១៨ ខាងមុខនេះ ។ សូមអរគុណបងប្អូន និងកូនក្មួយដែល មានជំនឿទុកចិត្តមកលើខ្ញុំ និងគណបក្សប្រជាជន ។ ខ្ញុំពិតជាមិនឲ្យបងប្អូនខកបំណងឡើយ ។ ច្បាស់ណាស់ គឺកម្ពុជាត្រូវការសុខសន្តិភាពយូរអង្វែង ដើម្បីយើងមានពេលវេលាគ្រប់គ្រាន់ក្នុងការអភិវឌ្ឍប្រទេសឲ្យរីកចម្រើន ៕
ចែករំលែកព័តមាននេះ