មកដល់ស្រុកគេហើយ ហ៊ានធ្វើដល់ម្ល៉ឹង
- ភ្នំពេញ
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៣ សីហា បានលើកយកសំណុំរឿងជន ជាតិរុស្សី២នាក់ជាប់ចោទពីបទលួចមានស្ថានទម្ងន់ទោស (លួចប្រាក់តាមATM) របស់ធានាគារ ABA…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៣ សីហា បានលើកយកសំណុំរឿងជន ជាតិរុស្សី២នាក់ជាប់ចោទពីបទលួចមានស្ថានទម្ងន់ទោស (លួចប្រាក់តាមATM) របស់ធានាគារ ABA…
រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី១៣ សីហា បានលើកយកសំណុំរឿងជន
ជាតិរុស្សី២នាក់ជាប់ចោទពីបទលួចមានស្ថានទម្ងន់ទោស (លួចប្រាក់តាមATM) របស់ធានាគារ ABA ដើម្បីជំនុំជម្រះទោសតាមមាត្រា៣៥៣ និង៣៥៧ នៃក្រមព្រហ្មទណ្ឌ និងបទប្រើប្រាស់ដោយខុសច្បាប់នូវសារធាតុញៀន តាមមាត្រា៤៥នៃច្បាប់ស្តីពីការត្រួតពិនិត្យគ្រឿងញៀនកម្ពុជា ។
ជនត្រូវចោទម្នាក់ឈ្មោះ ZAMETNYA ALEXANDER ភេទប្រុស អាយុ៣១ឆ្នាំ ជាជនជាតិរុស្សី ចំណែកម្នាក់ទៀតឈ្មោះ TELENKOV IVAN ភេទប្រុស អាយុ៣០ឆ្នាំ ជាជនជាតិរុស្សី ។
អង្គសវនាការដឹកនាំដោយលោក ឃី ឆៃ ចៅក្រមជំនុំជម្រះ និងបានធ្វើឡើងចំពោះមុខជនត្រូវចោទ និងមេធាវីការពារក្តីផងដែរ ។ នៅមុខក្រចកសេះជនត្រូវចោទទាំង២នាក់ បានឆ្លើយសារភាពប្រហាក់ប្រហែលគ្នាថា ខ្លួនមិនមានគំនិតលួចលុយក្នុងទូ ATM នោះទេ តែដោយសារពួកខ្លួនខ្វះខាតលុយកាក់ធ្វើដំណើរទៅស្រុកវិញ ពួកខ្លួនក៏បានជួបមនុស្សម្នាក់បាននិយាយប្រាប់ថា បើចង់បានប្រាក់ទៅស្រុក គេឱ្យពួកខ្លួនចូលទៅបើកទូ ATM ហើយថតរូបមកឱ្យគេ ហើយគេនឹងឱ្យលុយសមល្មមអាចចាយបាន ។
ដូច្នោះហើយបានជាពួកខ្លួនទាំង២នាក់ទៅធ្វើតាមបង្គាប់មនុស្សម្នាក់នោះ ហើយពាក់ព័ន្ធនឹងការប្រើប្រាស់គ្រឿងញៀន ក៏ពួកខ្លួនមិនបានប្រើដែរ ។ សវនាការបានសាកសួរដេញដោលចប់សព្វគ្រប់ លោកចៅក្រមដឹកនាំអង្គជំនុំជម្រះ បានលើកពេលប្រកាសសាលក្រមសំណុំរឿងនេះ ទៅថ្ងៃទី២៧ សីហា ខាងមុខ ។ ជន ត្រូវចោទត្រូវបានអនុរក្សពន្ធនាគារនាំទៅឃុំខ្លួនជាបណ្តោះអាសន្នវិញ ដោយរង់ចាំទទួលទោស តាមការវិនិច្ឆ័យរបស់តុលាការ ។
សូមរំលឹកថា ជនត្រូវចោទទាំង២នាក់ត្រូវបានសមត្ថកិច្ចនគរបាលខណ្ឌដូនពេញចាប់ឃាត់ខ្លួនកាលពីវេលាម៉ោង៣ទៀបភ្លឺថ្ងៃទី២ ខែធ្នូ ឆ្នាំ២០១៧ បន្ទាប់ពីធ្វើសកម្មភាពគាស់ទម្លុះទូ ATM របស់ធនាគារ ABA នៅចំណុចមុខផ្ទះលេខ៣១ ផ្លូវលេខ២៤០ ភូមិទី១១ សង្កាត់ជ័យជំនះ ខណ្ឌដូនពេញ រាជធានីភ្នំពេញ ។
ការឃាត់ខ្លួនជនសង្ស័យទាំង២នាក់នេះ សមត្ថកិច្ចចាប់យកវត្ថុតាង ដែលរួមមាន ខ្សែអេឡិចត្រូនិចប្រើឌុយ USB មួយ កូនកាំបិតចុចមួយ លិខិតឆ្លងដែនមួយលេខ 724584016 ម៉ូតូមួយគ្រឿង ម៉ាកអ៊ែរប្លែក ពណ៌ទឹកមាស ពាក់ស្លាកលេខ ព្រៃវែង ១I-៤៥០៥ សក់ពាក់ចំនួន១ដុំ ទូរស័ព្ទដៃចំនួន៣គ្រឿង ម៉ាកអាយហ្វូន 7 Plus មួយគ្រឿង ពណ៌ខ្មៅ និងម៉ាក NOKIA ចំនួន២គ្រឿង ៕
ចែករំលែកព័តមាននេះ